كنت فى سريري ولكننى لم أكن نائما فقط مستمتعا بالدفء تحت الغطاء وبالتفكير فى الظلام

كنت أفكر فيها ولا أنكر أننى أحببتها فقط تذكرت كلماتها وكأنها تجلس بجوارى وتهمس فى اذنى

عن ماضى ليس سيئا كما سوف يتخيل الكثيرون وليس كما تقدمه الأفلام المصريه القديمه

ولكنه ماضى ......... وأنا لم أتخيل أن لها ماضى

كانت صدمه لا أنكر .............. ولكن المفاجأه أقوى

كبريائى وكرامتى ثم نخوتى منعنى أن أغضب منها لماضى تتحدث عنه بنيه حسنه ولكن رجولتى رفضت

فأغلقت الهاتف وأنا حزين دون أن أظهر لها ذلك ولكن بداخلى أبكى دون أن تنزف عيني دمعه واحده بالرغم

من أننى مقتنع أن لا أحدا يستحق البكاء من أجله

أغلقت الهاتف ودخلت فى سريري وكأن عمرى تعدى السبعون وجلست فى الظلام أفكر فيما فعلت وفيما قالت لي

تقلبت داخل سريري كثيرا

وفى النهايه نهضت فى الثانيه فجرا وارتديت ملابسى وفوقها معطفى ثم خرجت تاركا المنزل دون أن يعلم احد

أخذت سيارتى وانطلقت بها دون هدف

كان قلبي حزينا ولكنه كان يأبى البكاء

داخلى صراع بين

قلب يحب وعقل يرفض

نفس تعشق و تفكيرا شرقى

السماء تمطر والرياح تشتد

وأنا داخل سيارتى أرتجف

أرتجف من شدة البرد ولكن فى الحقيقه كنت

أرتجف من شدة الحزن على ما أحببت

شعرت بالدموع فى عيني وقد اقتربت على الخروج

أوقفت سيارتى وخرجت مسرعا

غير مهتم بغزارة الأمطار

ونظرت الى السماء وأطلقت لعيني العنان

فبكيت

وبكيت

ورفعت وجهي نحو المطر حتى أخفى دموع عيني

وسط الأمطار

ولا أشعر بضعفى

فكم كنت أعلم أن الحب ضعف
جلست على مقدمة السياره
والماء يتساقط من وجهي
وضعت يدي فى جيبي وأخرجت هاتفي

طلبت رقمها والمطر مازال منهمر

وقلت لها

أحبك .... وأعلم أنكي تحبيني

ولكني لا أرى حبك

وماضيكي لن أنظر له

وحاضرك أتمنى معي أن يصبح أفضل

ومستقبلك أتمنى أن يكون معي

ولكنه يتوقف على حاضرك

وأغلقت هاتفى ووضعته فى جيبي
ونمت على مقدمة سيارتى
أفكر فى خطأ ارتكبته ولا يمكن العدول عنه
ولكنني فقط أتمنى تصحيحه

وليته يتوقف علي فقط

منتظر الزيدى

لو لم أكن مصريا ..... لوددت أن أكون زيديا

أيام وسنين واحنا العرب

كؤوس المراره لسا بتتشرب

والكل شايف غلابه وسلاطين

بس الغلبان عايش ما بيده شىء

والسلطان مبسوط وفى يده كل شىء

وبهيه المصريه وأخواتها العرب الكل انتظر

يوم الشرف بأي الطرق

والأنتظار طال حتى وصل منتظر

ابن الزيدي وصل وفى الأرض الخضراء

أمام شاشات الفضائيات رفع الحذاء

ليعطي قبلة الوداع لشخص

كثيرا ما سمعنا نباحه

حتى جاء الوقت ليضع رأسه محل حذائه

مافعله منتظر كان حقا منتظر

ولكنه فقط خطوه على طريق

اتضحت معالمه

والان ننتظر قائده

بوش بيضحك وهو يعلق على قذفه بالحذاء

لسا في رجاله ياعرب
لسا في كرامه ياعرب
لسا فى نخوه ياعرب
والبرنس أبو شعر أبيض بيضحك وهو يعلق على قذفه بالحذاء
وهو لا يعلم أنه سيظل بطل كل الأيام السيئه التى مر بها الشعب العراقى

عرض سعودى لشراء الحذاء بعشرة ملايين دولار يدل على مدى قيمة الحذاء لأى مواطن عربى عادى بعيدا عن جميع الحكومات العربيه

بدوووووون عنوووووان

جوايا كلام كتيييير ومش عارف اطلعه او قصدى اكتبه وفى الاخر قلت انا هاكتب كل اللى عندى فى رسائل صغيره او حتى طويله المهم ان ده هو اللي جوايا دلوقتى

دلوقتي أبدأ يومي بالمستشفى من الساعه 9 وحتى الساعه 2 ظهرا

اعمل او لا اعمل ................ لا يهم

وبعدها أذهب الى منزلى وفى الغالب أمتنع عن الخروج مع زملائى وأجلس وحدي أفكر فيما مضى وفيما هو قادم وقرارتي القادمه

من أصعب قرارات حياتي وأتمنى أن أجد المساعده ممن أنتظر منهم المسانده

*************************************

تصحيح لبوست سابق ............ محمد فايز ليس صديقي الوحيد

هناك ياسر الرمادى ................. حتى لو اختلفنا

هو صديقي

***************************************

كنت بتكلم مع ابن خالتي عنده كده حوالى 14 سنه المهم فى وسط الكلام قال انه بيتمنى يروح أمريكا قلت انا عادى بس ليه ؟

قالى لأ انا قصدى أهاجر وأعيش هناك على طوووووول

قلت انا بكل هبلي ....... ليه يابني ؟

رد الواد عليا وقالي بكل بساطه

أقوى دوله فى العالم

أغنى دوله فى العالم

ضربت ربع دول العالم

كل دول العالم خايفين منها

بما فيهم احنا

بصراحه .................................................... مارديتش

*****************************************

الى طلبة كلية الطب ومعظم الكليات العمليه

بعد التخرج هناك ثلاث شعب

الأولى ....... أن تصبح معيدا بالكليه ومنهاتحضر الماجستير ثم الدكتوراه وفى النهايه سوف تصبح أستاذ دكتور بالجامعه

بس ها تشوف ذل الدنيا والاخره عشان تنجح فى كل امتحان

الثانيه .................... لم تستطع أن تصبح معيدا وتكره ذل الدكاتره وتنطيطهم ومعاك فلوس كتييييره اوى

هاتروح تدور على مكان تدرس فيه بفلوسك وغالبا دوله أوروبيه

الثالثه .................. لم تصبح معيدا ولاتملك المال بل تطالبك ظرووف أسرتك بجمع المال

سوف تترك الدراسه وتبدأ بالعمل فى أى مكان وبأى أجر

*************************************************

يوم الأحد 19/10

كنت فى سينما رينسانس أكتوبر بتفرج على فيلم قبلات مسروقه

وفجأه لقيت الأخ تامر هجرس داخل هوه كمان يتفرج

المهم خلص الفيلم والباشا خرج مع اصحابه وصحباته وركب عربيته الدودج الحمراء

بس كانت نص نقل

***********************************************

الرجل كثيرا ما يحب ولكن قليلا جدا جدا عندما يجد من أحبها تستطيع أن تفهمه وتعيش معه واذا وجدها لابد أن يتمسك بها

أتمنى أن أكون قد وجدتها

***********************************************

للأسف .......... لسا بحب الزمالك

أوى

*****************************************************

مش هاينفع يامحمد ......... حتى لو فضلت تقدم تضحيات أكتر من كده بكتيييير

لازم تكون هيا كمان عندها استعداد تضحى حتى لو بربع اللى انت بتعمله

الجواز علاقه قائمه على الحب والتفاهم والتضحيه

والثلاثه لازم يكونوا من الطرفين مش من طرف واحد

******************************************************

القوه = فلوووس + سلطه + علم

معاك ايه وهاتجيب ايه وتقدر تستغنى عن ايه ؟

**********************************************************

نهى رشدى ....... اخر مجنى عليها فى أول قضية تحرش جنسي فى مصر

اللي عملته بيقوووول انها أقوى من رجاله كتيييير اوى فى مصر

شريف جبريل ......... اخر واحد تحرش بواحده وأول واحد يتحبس فى قضية تحرش

ثلاث سنوات مع الشغل

******************************************************

ربنا يرحمك يا أيمن

*************************************

***********************

********

***

من 14/7 ما كتبتش ولا كلمه

اللى افتكرني مت واللى افتكرنى اعتزلت

وكل واحد واللي افتكره بقى

المهم انى فرحت اوى

ان في حد سأل عليا أصلا

وكتييييير فكرت أرد عليكم

بس والله العظيم

كنت مشغووووووول جدا

ودلوقتى مخنووووووووووووووووووووووق جدا

من حاجات كتيييير اوى اوى اوى

وكل اللى متخرج زيي من شهووووور كده

اكيد هايفكر فى كل الحاجات دي زي

الشغل ولا الجواز ولا الدراسات العليا وبالذات لواحد دكتوووور

المهم ان مفيش حد بيساعدنى خالص

ولا اللي عنده الشغل

ولا اللى هاتجوزها

ولا حتى كل جامعات مصر

اللى عايزانى استنى لسا سنتين عشان ابدأ أفكر اعمل ماجستير

ادعوووووووووولي

بجد مخنوووووق اوى

الحشيش

بداية انهيار أحلام وطموحات أى شاب أو أى فتاه ... هى نقطه استراحه على طريق دولي فيه تسير السيارات بأقصى السرعات ليس من أجل الوصول أولا ...... ولكن من اجل الوصول بسلام

وهذا الطريق هو الوحيد الذى فيه من يصل اولا هو المهزووووم

ومن يصل أخيرا هو فقط المنتصر

الطريق به نقاط كثيره للتوقف ولكنها فقط نوعين ..... النوع الأول هو نقطة الاستراحه كما سوف يتم شرحها

والنوع الثانى هو المسجد ولا يحتاج الا أى شرح

نقطة البدايه هى ميلاد المتسابق ........................ ونقطة النهايه هى الموت

وكما قلت من يصل اولا لا يعتبر منتصرا

لأن المنتصر هو فقط من يصل بسلام سواء اولا أو اخيرا

المتسابق منذ ميلاده يكون فى سياره اسرته التى يقودها والده وبعدها يبدأ فى القياده وحده ومنهم من لا يجد والده ويبدأ فى القياده مضطرا الى ذلك ........................... لا يوجد متسابق يصل دون توقف مهما كان نوع السياره التى يقودها أى مهما كانت لديه من ثروه

جميع المتسابقين يتعرضون للمشاكل ولكن الأختلاف من يقف فى نقاط الاستراحه ومن يقف فى المساجد

من يقف فى نقاط الاستراحه

يترك سيارته واسرته هربا من مشكله محدده او مجموعه من الهموم والمشاكل وداخل نقطة الاستراحه يأخذ وعودا كثيره بالوصول الى النهايه بسلام ولكن ليس بسيارته ولكن بسيارات كبيره وهى لونين فيها الحمراء وفيها السوداء

من المعتاد أن يدخل المتسابق الحمراء لأنها الأرخص وفيها يدخنون السجائر حتى المقاعد الأخيره وفيها يشربون الحشيش ومن يصل الى المقاعد الأخيره سرعان ما ينتقل الى السيارات السوداء وفيها كل شىء ........ فالمقعد الأول هو الحشيش والأخير هو الادمان مرورا بمقاعد السرقه والنصب والدعاره والقتل

الكومسرى فى معظم الأحوال لا يدخن ومعه السائق ولكنه يجمع المال فقط ومن يفقد قدرته على الدفع ..... لابد وان يترك السياره

ولم أقل من ينتهى ماله ...... لأن من ينتهى ماله يبحث عن المال بطرق عديده فى مقاعد السياره

المسجد هو دور العباده

ويعتقد جميع المتسابقين أنه غير قادر على تقديم العون لأشخاص فقدوا القدره على القياده ........وهم مخطئووون لأن المسجد هو الوحيد القادر على اعادة تأهيلهم حتى يصبحوا قادرين على القياده وفى الغالب يعودوون بعد فتره طويله من الزمن ولكنهم يعودوون أقوى من المتسابق الطبيعى

الان كل من قرأ يستطيع ان يعرف ما نوع السياره التى يقودها وربما لا يقوووود اصلا

ولكنه يستطيع تحديد متى سوف يتوقف واين يتوقف ......؟

ونصيحتى ان يبحث عن مسجد يتوقف فيه على الأقل خمس مرات يوميا وبعدها سوف يصل وبسلام

لست فقط ....................... طبيب أسنان

أخيرا ........ حصلت على لقب لطالما سعيت طوال خمس سنوات من أجل الحصول عليه وحلمت به فقط من عامين والان فقط أحببته وأصبحت أعشقه مثله مثل هذه المدونه

أعنى بما سبق أنني دخلت الجامعه وكل امالى الحصول على مورد رزق ثابت ومركز مرموق مثلي مثل جميع طلاب الثانويه العامه ولكن الفارق هنا أنني تمردت على مكتب التنسيق و بمساعدة والدي الطبيب البشري استطعت أن أدخل جامعه خاصه وكان من الطبيعى ان أدخل كلية الطب ولكنني مره اخرى تمردت وأعلنت العصيان بعدم رغبتى دخول كليتي الطب والصيدله ورغبتي الشديده فى أن أصبح كاتبا روائيا

وكنت أعتقد أنه من المستحيل الجمع بين الطب والكتابه أى الهوايه ...... ولكنني دخلت الكليه لست مقتنعا ولكنني أنا وحدي من قرر دخول عالم طب الأسنان وسط ذهول جميع من حولى ودون أن أنسى أبدا حلم الكتابه ...... وفى اول ثلاثة سنوات كنت مجرد طالب وأعني أنه لم يكن لدى أى خطط لمجال طب الأسنان وكانت أقصى طموحاتى أن أذاكر لأحصل على شهاده تجعلنى طبيبا ثم أذهب للتأليف ... وفقط

وبعد الثلاثة أعوام الأولى ... حدثت المشكله بيني وبين أقرب شخص الى قلبي فى الجامعه والغريب ان المشكله لم يكن لها سبب واضح و المهم أن النهايه كانت الفراق وليس معه فقط بل مع باقى أعضاء الشله ..... ولحسن حظي أنه رفض جميع محاولاتى بالتهدئه والصلح ومن رضا ربي أن الجميع تركوني لأجد نفسي داخل أسوار الجامعه وحيدا فى نهاية العام الثالث ولم يبق سوى أيام وتبدأ الأختبارات

تأزمت وضعفت واستسلمت وبصراحه انهزمت وبدأت أبحث التحويل الى جامعه اخرى وفشلت .... وبدأت أفكر فى ترك الكليه والتحويل الى كلية الطب حيث كنت أود الهروب وفى نفس الوقت ألعب على وتر دخول كلية الطب البشرى وكنت أعلم أن نسبة موافقة والدى على هذا الأقتراح كبيره جدا .......... وبمرور الوقت شعرت بضعفي واستسلامي وربما انهزامى وبدأت أبحث فى نفسى فوجدت أنني خسرت وانهزمت ولكن المعركه لم تنتهى .... المعركه تنتهى بفشلى فى أن أنجح وحدى ...... الهزيمه تبدأ اثارها مع أول سقوط لي داخل الجامعه وخاصة ان كان نتيجة تركهم لي..... فوجدت أن الفرصه قائمه فى أن أنجح وحدى دون مذكرات دون مساعده دون حضور محاضرات ..... وفقط بمجهودي انا والكتب ................................ ونجحت وعبرت أصعب مرحله فى حياتى .... وعبرت لأصبح بشهادة الشهود أقوى وأجرأ

اجتماعيا........ بعلاقات أقوى مع زملاء جدد لم أعرفهم سوى فى العام الرابع والخامس ولم يشعروا بوجودي فى الدفعه سوى فى العام الرابع والخامس وعلاقاتى بأساتذتى زادت وأصبحت أسعى لها

وعلميا ..... زاد مستوى درجاتى مع مستوى طموحاتى فى الحصول على المزيد ولو ان هذا الطموح كان متأخرا ولكننى أعد نفسي قبل أن أعدكم أننى لن أتوقف عن محاولة تحقيق أعلى المراتب العلميه ليس من أجل شخص ولكنه من أجل تحدي مع شخصي أنا......... وأعتقد أننى وجدت نقطة البدايه بدراسة زراعة الأسنان ........................................... باذن الله

وثقافيا ..... أصبحت أخرج مالدى فى المدونه حيث لم أبدأ التدوين سوى فى العام الخامس ......... وأيضا بدأت أسعى للحصول على فرصة أنشر بها احدى رواياتي ..... كما توصلت لشركة فيلم كلينيك لصاحبها السيناريست محمد حفظي ..... الان أدرس مشروعى السينمائى الأول باذن الله

وعاطفيا ................... تركتها لأنها كانت تشعر أنها الأقوى .............. بلقبها ومالها وجمالها

وسياسيا ........... وجدت نفسي وحدي ..... دون أى توجيه

بشهادة الجميع حتى صاحب المشكله نفسه التى عادت علاقاتي به الى حد ما ...... أنني تغيرت كثيرا وأصبحت الحمد لله أقوى

محمد فايز ................ صديق اراه مخلص ... و أود أن تستمر علاقاتى به حتى النهايه

ط.م .................... لم أتوقع أن يقف أحيانا بجانبي ......... ولكن شكرا

م.م ................ توقعت أن أجدك وقت وحدتي ...... ولكنني كنت مخطىء

ي.ر ........... لم تصدق اننى لم أعلم سبب المشكله ولكنك ظلمتنى وأيضا منحتنى قوة التغيير ولك كل الحب والتقدير

أحببت أن أبدأ التدوين بهذه الكلمات التى كانت بصدرى منذ شهور ولكنني فضلت أن أنشرها الان ....... بعد اخر امتحان لي داخل الجامعه فقط بأربع ساعات

وبعد اخر لقاء لي مع أعز صديق لي داخل الجامعه ........................................ محمد فايز

وأتمنى ألا يصبح الأخير

مصطفى المغربي ............................. طبيبا وباذن الله كاتبا

حتى لو كان ذلك فقط فى أحلامي ............... فهو حقي

ولن أتنازل عنه .................... أبدا

بسم الله الرحمن الرحيم

بعيدا عن مؤتمر دافوس الأقتصادى وحديث السيد الرئيس مبارك وحديث الأخ بوش

والضرائب العقاريه وضرائب ارباح البورصه وهبوط البورصه واسعار الحديد واسعار السولار والبنزين

وبعيدا عن جميع المشاكل والأزمات

مبروك

مبروك تحقيق اكبر حلم على مستوى شباب جمهورية مصر وهو حلم

مدونات مصريه للجيب

وحفل توقيع العدد الأول سوف يكون يوم الخميس فى مكتبة عمر بوك

الساعه 6 مساءا

بالرغم من أننى لا أعلم ان كانت مقالاتى تم نشرها او لا ولكننى سوف أبذل قصارى جهدى محاولا الحضور

رسالة شكر الى كل من ساهم فى هذا المشروع وعلى رأسهم

أحمد البوهى

أحمد مهنى

ايناس لطفى

........................................................ نقلها لكم مصطفى المغربى

كانت شله كبيره

كنا كتييييير وعددنا كبير وبصراحه مش فاكر كام ..؟ بس الكلام ده يمكن من سبع سنين المهم كلنا أولاد ومن غير بنات وفجأه كبرنا بس من غير ما ناخد بالنا

ودخلنا الكليه وكل واحد شاف طريقه وعرفنا بنات بس فينا عرف البنت وفينا عرف المدام وعلى رأى التلفزيون أحمد مش زي الحاج أحمد ونزلنا الشارع واتعلمنا كتييير وعرفنا أكتر ........ وكلكوا عارفين دلوقتي ان الشارع بقى هو مديرية التعليم الجديده والقهاوى بقت المدارس .... ومن غير لخبطه اكتر من كده

دخل الحشيش وسطنا وطبعا قبله السجاير وبعده البنات مش المدامات ....... وانتوا فاهمين ......!!!!!!! المهم من يومها بقينا سبعه من اكبر شله وراح الباقى فى غمضة عين ومحدش يسأل فين .......! طاب والسبعه كالاتي

ماركوس : غاوى كتابه وسمونى كده بعد اكبر قصه واجمل روايه خياليه عملتها فى حياتى وده كان اسم البطل ...... المهم انى دايما قاعد بعيد ومش عشان وحيد لكن كليتي فى مكان جديد اسمه محافظة 6 أكتوبر وبالرغم من اني بعيد الا ان عمرى ما شربت الحشيش ومع انى وحيد كان ممكن اكون بغلط كتيير بس دايما كنت رايح جاى ومحدش فاهم ليه ..؟ ماكنتش قاعد هناك ..؟ بس انتوا فاهمين ...ودايما مش جوه المشاكل لأنى أصلا مش معاهم بالرغم من ان ابن عمتي جواهم

اللى بعده شغلته عايزه الكفاءه والكفاءه عايزه الصياعه وشوية وساخه وقبلهم الطاعه بس من بره لابد من النظافه ....جوه حياته مشاكل كتيير وكنا أصحاب أنتيم وعمره

ما يقول انا غلطان من يوم ما عرفته من زمان و دلوقتى بيبعد ولسا بيبعد وخايف يبعد أكتر من كده

التالت مش أهبل بس بيحب يبقى أهبل ..... يعني مش عايز يشغل مخه مش عشان غبي ...... لأ ... والدليل انه عبقرى بس فى 3 حاجات سجاير - بنات - موبيلات

المهم انه طيب أوى وبجد بحبه

الرابع بقى دايما من ابن خلته مخنوق وهو معانا فى السبعه وعمره ما كان فى ميعاده مظبوط واول مره ميعاده يكون مظبوط حصل حوارحريم خلاه مش مبسوط

بس من مين ...؟ من اتنين جوه السبعه

الخامس أصغر واحد فى السبعه ولو زعلان من السته يبقى جوه قلبه ومش على وشه أبدا بيبان ..... مع انه ساعات كتيييير يقول ليا انا بالذات...... والكل فاكره غلبان مع انه عارف كل اللى بيحصل وسط السبعه من بره السبعه ومن زمان

السادس مشروع مهندس مع انه طول ..... من وجهة نظرى أرجل واحد فى السبعه ... غلطه وحيده معانا هيا اللي بيها الزعل حصل بس بصراحه غلطه كبيره

بعضنا بيحاول يرجعه وبعضنا ظروف حياته دلوقتى تمنعه الا لو هورجع زي زمان

الأخير ....... اخر واحد انضم للشله أو للسبعه .... طيب ومعرفش عنه كتيييير الا انه كان كويس وهما اللي بوظووووووووووووووووووووووووووووووووه

عارف انكم زهقتوا بس اصبروا ...... وتعالوا نعرف فين السبعه دلوقتى

أنا زي ما قلت قاعد بعيد ومش قاعد يعنى رايح جاى والكل بيسأل ليه ...؟ ولا هيا فلوس وخلاص الا واحد هو والدى فاهم ولا لأ معرفش بس انا فعلا عمرى ما غلطت

مش عشان ملاك ...... عشان دايما بحاول أبقى بعيد .... وأخري علبة سجاير جوه اسبوع مليان امتحانات وسيبكوا منى انا

الباقى سته ..... الصغير عارف انهم دايما بيلخبطوا .... ففضل انه يشوف مستقبله ويشتغل فى أى حاجه مع انه لسا بيدرس و الخمسه الباقييين كلهم شربوا الحشيش وأكتر من نصفهم شرب البيرا وهما عارفين نفسهم ...... ولو ان انا شايف البيره اكبر بكتييير من الحشيش

وبرده فينا واحد بس جاب حريم مش بنات واكتر من مره كان راااجل جوه شقته ..... ومش هوه اللى قالي ولا حتى حد من جوه السبعه الا بعد كده ودي انا شايفها أكبر من الحشيش والبيره

المهم فى يوم ..............واحد وقف ومعاه اتنين ضد تلاته كانوا لسا بيحششوا وانا بره الموضوع او اصلا ما كنتش موجود والتلاته قالوا لأ خلاص ..... مفيش حشيش انتوا اهم عندنا وخلص الكلام وفيهم واحد حلف بالمصحف مستحيل يشرب و كانت أكبر غلطه انه رجع يشرب ومن يومها راحوا السبعه وبقوا سته نصهم بيقول نحاول تانى نرجع السابع والنص التانى بيقول احنا حاولنا كتييييير وفشلنا ودلوقتى ظروف حياتنا تمنعنا

النص التانى اللى كان بيقول ظروف حياتنا تمنعنا................... عدى أيام وليالي وراجع يجيب حريم قال ايه بيقولو تعبانين

طاب ما تتجوز ياعم ....... بيحب واحده وابوه جايب عروسه والأختلاف فى الرأى عمره ما يخليك تجيب حريم

شكلكوا مش فاهمين ..... اللى عايز اقوله ان احنا سبعه

خمسه شربوا حشيش

وتلاته جابو حريم

ومش أقل من تلاته شربوا بيره

يعنى لو اتعملت نسبه وتناسب يابتاع هندسه يبقى عليه العوض

ولو كبسة اداب مع ظابط غتت برده عليه العوض

فى فرق كبير بين الذنب والكبيره والحشيش ده انا شايفه ذنب بس كبير اوى لكن البيره والحريم دى كبيره وهاتفضل تكفر عنها لحد يوم الدين

لو حد دخل من السبعه ....... ياريت يكتب تعليقه من غير قلة أدب

فى ناس كتيييييير هاتزعل مني بعد البوست ده ....... بس الأهم انهم يفهموا انا بحبهم أد ايه

تحديث أول

لست نادما .................... لأنني الحمد لله لا أندم على أى شىء أفعله

ولست حزينا ....................... لأننى لم أخسر وباذن الله لن أخسر

وهم فقط الخاسرون وسوف تثبت الأيام صدق قولي ليس لي

ولكن لأنفسهم

عندما يواجه كل شخص نفسه أمام المرايا بدلا من أن يجلس الليل بطوله

مع شخص او اشخاص يحبون له الخير فيدفعونه للحشيش

أو

يجلس الليل بطوله يدعي ملله .............. فيبحث عن امرأه ينكحها

فى الحرام ...............................من أجل أن يتركه الملل

فلو فعل كل مخنوق من حياته هذا مدعيا ........ أن الدراسه والكليه والامتحانات

وأبويا وأمي ...... وحبيبتي ...................الخ

لأصبحت مصر .......... بها 70مليون حيوان

واسف فى التعبير

ولو فعلنا نحن الشباب ذلك ....... ماذا نفعل عندما نصبح أباء .......؟

اسف ......... ماذا نفعل اذا أصبحنا أباء بطريقه شرعيه .......؟

اسف مره اخرى ......... اذا استطعنا أصلا أن نفرق بين أبنائنا الشرعيييين والغير شرعيييين

ولا أريد أن يقول أحد أننا سوف نصبح عقلاء وأننا سوف .......... كلام البتنجان ده اللي كلنا عارفينه

للأسف .................. احنا يمكن ما نصبحش أصلا

وكله جاي ....... مع الأيام

أيمن صابر عبد الفضيل

يمكن ما تعرفهووووش

بس بفكركم ان ده 22 سنه

نازل من عند خطيبته الشرعيه

اخر سنه فى كلية طب اسنان

خبطته عربيه ومات

قبل ما نقول الله يرحمه

كان لازم نرحم نفسنا الأول

تحيه لكل من أخطأ ......... وأعترف بخطأه ثم توقف

توقف وحده ............ وتوقف فعليا

ومن أقصد بكلامى .......... هو يعلم نفسه تماما

وكما قلت له

اذا استطعت أن تعبر موقفك الصعب الأول فى حياتك .......... فسوف تصبح أقوى مما تصور

يابن المنطقه

من يقف على الحياد .................. أطلب من الاخرين ألا يسحبوه

رفقة به ......... ومحاوله فى تخليص بعض الذنوب

من قال احذف البوست

قلت أنا : لا ......ولن...... وسأظل

****************************************

3/1/2009

تحديث ثان بعد اكثر من 8 شهوووووور

الأمانه تحتم علي أن أتابع ما بدأت ليس من أجل ابطال البوست ولكن من أجل قراء المدونه لانى وعدتهم بالأستمرار فى محاولاتى الحفاظ على اصدقائى

والان اعترف بفشلي وفشلي أصبح لدرجه تجعلهم جميعا يرتكبووون كل ما يحلو لهم وانا معهم دون أن يجرؤ أحدهم على مواجهتي

وهذا نجاح وليس فشلا

على الأقل فهم كل منهم انه يرتكب اكبر ذنب فى حياته

ما قلته فى التحديث الأول عن رجائى بعدم سحب من يقف على الحياد

كان نجاحا مني لان العائد الى الشله بمجهودي استطاع جعلهم جميعا يحششوا

ماعدا الصغير

والان توقفوا ولكن ليتهم توقفوا عند الحشيش ولكنهم وصلوا الى الحريم

ولسا الاهبل برده أهبل وشكله هايفضل أهبل شرب الحشيش لما قالو يلا وراح للحريم لوحده ودلوقتى مع صاحبه

الانتيم اللى انا قلت فى البوست انه بيبعد وهايفضل يبعد

وللأسف بيبعد

ملحوظه انا عرفت من بره ومن واحد كان حبيبكم ويمكن يكون هو مصدركم

شفتم أد ايه بقى بقيتم مشهوريين بالوساخه بس

اخر كلامى

انا مش زعلان منكم خالص مع ان الاتنين بتوع الحريم بيحوروا ليا

بجد مش زعلان ومش هاسيبكم خالص لان انتم فى يوم من الايام كنتم اعز اصحابى ودلوقتى لسا اصحابي

انا فعلا زعلان ........................... بس عليكم مش منكم

اللي يقرا البوست هايعرف ان كل اللى قلته حصل فى المستقبل وبعد 8 شهور بس

تحيه خاصه الى اصغرنا

وتحيه أتمنى ان تستمر الى

بتاع الظروف

وبتاع السيبر

بس

أتحدث بعد صمت استمر كثيرا وكان صمتى أملا ولم يكن عجزا

أملا فى أن يترك السلطان عرشه ويعود الفلاح لأرضه

أملا فى أن يخرج السلطان من قصره ليرى الغلبان فى قبره

لم يمت .. ولكنه فقد القدره على أن يحيا .. فتمنى أن يمت

تمنى أن يمت

ليترك الأمراء يتمتعون وحدهم وكأن النيل فقط لهم

ولما استمر صمت المساكين زاد جبروت السلاطين

فتركوا المساكين يبحثون عن الخبز وذهبوا يبيعون لأعدائهم الغاز

وازداد فقر المساكين وازدادت أموال السلاطين

واستمر بحث المساكين عن المم حتى مرضوا بأكياس الدم

ومات منهم من مات بأكياس الدم وليس من قلة المم

وخرج السلطان يبرىء الدم ويعطى وعود بتوفير المم

وظهرت اسراء تدعو للأضراب ومن خلفها اجرام واعداء للسلطان

وكانت المحله اولى ضحايا الاجرام وليس الأضراب

وخرج السلطان يبرىء اسراء ونشكره لبراءة اسراء

ويدين الأضراب ونحن نرفض وندين الأجرام ونشكر اسراء

ومازال الغلبان يبحث عن أجر يوم بيوم

بينما السلطان قرر انشاء مصنع أجريوم

وفى احتفاليه للأمراء كان بلال الغلبان معترضا أمام السلطان

يطلب عن بهيه الأفراج

وداخل هذه الأحداث مازال الغلبان فى قبره

يرى معارك الأخوان والسلطان معارك ظاهرها من أجل الغلبان

وداخلها من أجل عرش السلطان

وأنت ياغلبان بدأت تدرك وتطالب بحقك

باعتصامك او اضرابك بعيدا عن السلطان او الأخوان

فما ضاع حق وراءه مطالبا............ أبدا

بدون عنوان

كنت جالسا أمام الشاشه أتابع أخبار البورصه على الأنترنت وفى نفس ذات الوقت أقوم بتحميل بعض الأغانى حيث أن اليوم هو قراءة فاتحة اختى على ابن عمتى ......... وبالصدفه فتحت الفيس بوك ولقيت خبر غير متوقع خالص

وجدت زميلا بالكليه وقد أرسل الى قائلا أن اليوم الخميس 3/4/2008 ...... توفى الصديق أيمن صابر عبد الفضيل نتيجة حادث مؤلم حيث كان يعبر الشارع فى منطقة المقطم

فى البدايه شعرت أنها اشتغاله ..... وبالتليفون تأكدت من الصدمه

وأمام الفيس بوك ... جلست أبكي

وحتى الان ... لا أصدق

ومازلت أفكر

برجاء قراءة الفاتحه لصديقى الدكتور أيمن صابر

ربنا يرحمه

********************************

غابت الشمس ومعها بدأت أتذكر أن اليوم هو فرحة أختى الوحيده ومعها والدى ووالدتى

وحاولت أن أنسى وبالطبع لم أحضر الدفنه

واكتفيت بقراءة الفاتحه

لأيمن صابر

ثم قراءتها

للعروسين

مع ترديد ........ سبحان الله

*****************************

جاء الجمعه ومعه زادت أحزانى ولم أستطع أن أمنع نفسى من الذهاب الى عزاء الصديق الراحل أيمن صابر

بالرغم من عودة بعض الالام الى جانبى الأيمن مكان عمليه جراحيه أجريتها من شهور

المهم .... وجدت والدى بعينه يريد منعى وبيده يعطينى السياره حتى أذهب الى القاهره حيث العزاء ومعه البكاء من أم فقدت ولدها الوحيد ... وأختين فقدا رجلهما فجأه ودون أى سابق انذار

أما الأب فقد أكتفى بصمت الفم وبكاء القلب

وأنا جلست مع زملائى نجمع جراحنا فقد كان أيمن هو حالة الوفاه الثانيه هذا العام فى الدفعه

*****************************

رجعت من القاهره متأخرا حزينا وبالطبع كنت محبطا وجلست أفكر حتى صباح الأحد

ونهضت من نومى صباح الأحد وكنت قد نسيت أن اليوم هو 6/4/2008

يوم اضراب الشعب كما يقولون ...... المهم ان فى هذا اليوم الذى كنت أتمنا يوم فيه

يعلن الشعب المصرى عن رأيه فعليا دون أى ضغوط من أى جهه ولكن ماحدث فى ذلك اليوم هو

مسخره

ماحدث فى المحله بكل المقاييس مسخره نتيجة أعمال بلطجه وعنف لم نراها منذ أعوام ولم نكن

نتمنى أن نراها

*******************************

فى نفس اليوم مسخره اخرى حدثت فى كوت ديفوار من الحكم الزامبى الجنسيه تقريبا داخل مبارة الزمالك وأفريكا سبورت ....... احتسب الحكم ضربتى جزاء ليس لهما علاقه بكرة القدم على الأطلاق

وانتهت المباره بالتعادل وصولا الى ضربات الجزاء وحتى الضربه الأخيره التى أضاعها أحد لاعبى

أفريكا سبورت لتأتى عدالة السماء وينتصر لاعبى الزمالك

******************************

انتهت مسخرة يوم الأحد 6/4/2008 ولم ينتهى خوف وفزع أهالى المحله ولا حسرة محلات البغل .. المهم

يوم الأثنين 7/4/2008 داخل جامعة الفيوم أكثر من مائة طالبه انتقلت الى المستشفى بالتسمم نتيجة الجبنه التى لا يعلم أحد مصدرها حتى الان

وطبعا الطلاب قاموا بقليل من المظاهرات التى اعتاد عليها المسئولون

ولحل الأزمه ... تناول رئيس الجامعه وجبة الغذاء مع الطلاب فى اليوم التالى

******************************

الأثنين برده ذهب النائب العام الى المحله ليرى الوضع بنفسه

وأيضا

ذهب وزير الصحه ليرى ضحايا الحرب

مشكورين...... غيرهم فضل قاعد فى التكيييييييف

***************************

الأثنين 7/4/2008 بعد وفاة صديقى أيمن صابر بثلاثة أيام تذكرت أن غدا الثلاثاء هو بدايه اختبارات الكليه وأنا فى عامى الأخير وكلى أمل أن أحقق تقدير جيد جدا

فى ظل كل هذه الظروف المحيطه

****************************

أخر الأخبار كانت عن حادثتين الأولى عن سيارة أمن مركزى اصطدمت

بسياره ملاكى على محور 26 يوليو وراح ضحيتها عشرة أشخاص

والثانيه

عن خروج سياره نقل كبيره عن الطريق الدائرى وكأنها تطير

وبالطبع اصابة السائق والتباع خطيره

*****************************

شكر خاص الى شهاده سوف أعتز بها من الدكتور محمد الأنصارى الذى أبدى اعجابه بالمدونه

شكرا

واسف للأطاله

وادعوا لي بالتوفيق فى الأختبارات

لعلها تكون الأخيره

لم أؤمن ولم أتوقع أن يأتى اليوم الذى أؤمن فيه بالحب ......... حتى وجدتها ووقعت عينى عليها داخل أسوار الجامعه ....... وبلا وعى تخيلتها فى فكرى وحلمت بها فى نومى وأحببتها بروحى ...... وبدأت أبحث التقرب منها ..... حتى نجحت وربما بعد كفاح ....ولكننى نجحت ........ فوجدتها فتاه فى العشرين من عمرها .......... ليست جميله المظهر بقدر جمال روحها ....... وليست بيضاء بقدر بياض قلبها ...... وجدت فتاه رقيقة المشاعر ..... قبل أن أنطق تطيعنى وان اختلفنا تقنعنى بهدوئها وثقتها ......... وجدت فتاه ليست ضعيفه ..... ولكنها تتظاهر بالضعف لتجعلنى أشعر بقوتى .... تحتاج الى أن ترتمى فى أحضانى كأى أنثى ولكن أخلاقها تمنعها ..... فتكتفى بنظره فى عينى ..... تشعر معها بالدفء والطمأنينه ............ وان وقعت فى مشكله أجدها قويه عنيده وصابره ......... تبحث معى عن الحل ........ ونجده سويا ........ وجدت فتاه تحبنى لشخصى وأحبها لنفسها دون أن أعلم من هى ........ وكان قرارى واضحا منذ اللحظه الأولى وحتى لو كان والدها عامل نظافه ....... فهى لى وأنا لها .............. دون تردد

فسألتها من أنتى ؟

ردت بابتسامه بريئه قائله .................. بنت فلان الفلانى

لم أتوقع أن يكون والدها كبيرا الى هذا الحد ...... ولم تتوقع هى أن ثروة والدها ستمنع حبنا

ومن ابتسامتها شعرت أنها منتظره أن أسعى فى طريق بدايته الفرح والسرور ونهايته مجهوله ولكن الأكيد أننى لن أصل الى ثلث ثروتها فأنا لست فقيرا ولكننى لست غنيا ............... أنا من الطبقه المتوسطه التى يتحدث عنها والدها فى التلفزيون ...... أنا من يقف والده فى طابور العيش البلدى ....... أنا من تبكى والدته لأنها لا ترى بعينيها من شدة مرضها نتيجة حياكة الملابس ..... أنا لاشىء الأن .... وربما أظل لاشىء ..... أما والدها ....... ليس غنيا ولكنه عملاقا .... وربما بل من المؤكد أن يرفض زواجنا ....... وربما ايضا أن تضغط هى ..... ويخضع لها ..... ونتزوج .... وبالطبع لابد من خضوعى لها ووالدها من قبلها وقبل خضوعى لهم ......... لابد من خضوعى لثروتها ....................................................... وأنا

أرفض

أرفض حبى قبل خضوعى

أرفض تلك الفتاه

حتى ولو كانت اخر فتاه

أرفض لكرامتى

أرفض لكبريائى

أرفض لفقرى

وأقول لكى ....... اسف

اسف لأنى أحببتك ..... دون أن أعلم من أنتى

اسف ............. وأرغب الفراق

اسف .................... وأطلب السماح

اسف ............................... ولازلت أحبك

اسف .............................................. وأتمنى النسيان

وأعلم أنه المستحيل

Free Counter

أتجوز .............. هههههههههههههه

كنت ماشى فى الشارع الساعه 3 الصبح رايح البيت ولسا خارج من القهوه اللى اصبحت الملجأ الرئيسى ليا أنا وأصحابى وخاصة فى الجو ده ............. المهم وأنا ماشى قابلت الدكتور عتريس وهو دكتور مسالك بوليه ومحدش يفهمنى غلط وعنده 32 سنه وفى الوقت ده بليل أوى كده كان واقف على باب صيدلية والدته وتقريبا بيقفلها ........... رحت سلمت عليه ولقيتوا بيقول لى ادخل وبعدها قفل الصيدليه واحنا جوه لوحدنا وبرده محدش يفهمنى غلط ... المهم دخلت وقعدنا مع بعض نتكلم وكان هذا جزءا كبيرا من الحديث

قبل ما قول اللى تقال بينى وبينه .......... أحب أوضح ان الراجل ده عنده 32 سنه ومن أشطر الناس فى دفعته ووالده عنده صيدليه وكمان والدته عندها صيدليه ...... يعنى واحده له والتانيه لأخوه الصغيرالصيدلى واللى اتجوز

كان هو قاعد على المكتب وانا امامه وطول الحديث كانت ايديه جوه الدرج ................. والمهم اتكلمنا كتييير وشربنا شاى وفجأه لقيتوا بيقول لى أمال ايه أخبار الحريم فى الجامعه عندك ...؟

اتحرجت ومش عشان انا مؤدب والكلام ده ....... لأ ...... لأنى بصراحه ما توقعتش ان الشخص ده بالذات يسأل السؤال ده ...... المهم رديت انا بقى بصياعه وقلت شكلك بدور على عروسه ... وعايز تتجوز ....؟

وياريتنى ما قلت .... أنا نطقتها ولقيتوا انطلق يضحك وكأنه فى مسرح لعادل امام ورد بعدها وقال انت بتقول ايه ؟

قلت قصدى نفرح بيك بقى .....وعاد يضحك حتى لاحظ أننى بدأت أغضب فقال معلش يامصطفى بس والله مش قادر امسك نفسى ...... وطبعا رديت أنا بقى وقلت مش أخوك الصغير متجوز برده ...؟

ردوهو يضحك قائلا اه ...... لأ ولسا من أسبوعين جايب واد ....... بدأت بصراحه أتعصب فقمت أمشى ...... المهم انه قام ورايه ومسك فيا وقال بالحرف الواحد اسمع بس ..... استنى بس خلاص والله

قعدت وبدأهو يتكلم وقال

تعرف يامصطفى أنا عندى 32 سنه ...... خلصت كلية طب وأنا عندى 24 سنه وبعد كده امتياز ثم تكليف وبقيت 26 سنه وفجأه لقيت الجيش وجب لكن أبويا ربنا يخليه ليا استخدم الكوسه مع عمى اللواء والحمد لله ما دخلتش واخدت اعفاء .................. قلت كويس أفكر بقى فى مستقبلى وأبدأ أحضر ماجستير وأدور على واحده بنت حلال أتجوزها ...... وده طبعا كان رأى أبويا قبل ما يعرف انى بقبض 174 جنيه وأنا راجل دكتور ومش محتاج أقول رأيه بعد ما عرف مرتبى ......

المهم باظ موضوع الجواز وبدأت أحضر ماجستير ومش هاتكلم كتيييير فى النفخ اللى كنت باتنفخه وأنا بأتنقل فى عيادات الأساتذه الكبار بليل بعد المرضى طبعا عشان بس يبص كده فى اللى أنا كاتبه ويقول لأ مش أد كده ..... ولو عيدته كتييير يبص لى وأصعب عليه فيقول خلاص مش بطال .................. المهم بدون رغى كتييير يامصطفى أنا من يومين نجحت والحمد لله بقيت أخصائى مسالك ............ وعندى 32 سنه وعالحديده ........ بس خلى بالك انا بقيت أخصائى بعد 6 سنين وكمان 11 ألف جنيه هدايا للدكاتره

سيبك بقى من كل ده مرتبى بقى دلوقتى أوعى وشك 245 جنيه ............... عارف بعمل بيهم ايه ولو انى لسا ما قبضتش ......... باشرب بيهم حشيش ودلوقتى بس طلع ايده من الدرج وحط السيجاره الملفوفه فى بقه وولعها وخد نفث وراح معاها وطبعا أنا فى ذهول فبص وقال ايه عمرك ماشفت حد بيشرب حشيش قبل كده ولا ايه .....؟

رديت وقلت طبعا شفت وكتييير ....... بس انت أخر واحد أتخيل انه يشرب حشيش ........... طبعا هو نفض لى وكمل كلامه وقال ها ايه رأيك بقى دلوقتى تجوزنى أختك .......... أظن أنا مركز يعنى راجل دكتور ومرتبى 245 جنيه ....؟

طبعا مارديتش فكمل هو

قوم يامصطفى روح بيتك وروح الصبح كليتك واحلم بالبنت بتاعتك وعيش حياتك معاهاوأول ماتتخرجوا نفضوا لبعض وبعدها تعالى بقى هنا جنبى اقبض 245 جنيه وهات بيهم حشيش ولما تعوز تتجوز وتتزنق أوى .......... تعالى وأنا أجوزك لمدة ليله واحده وبس ومن غير شبكه ولا مهلر ولا أى حاجه .... هما 100 جنيه وبس .

قمت وسيبته يكمل تهيس وقبل ما أخرج قلت له وأنا مخنوق طاب أنت عايز ايه .............. شايف المفروض تعمل ايه ياعنى تفضل كده ......؟

رد بكل بساطه لأ طبعا ما أنا خلاص بأدور على عروسه بس تكون صيدليه عشان تشتغل الصبح هنا فى الصيدليه دى وأنا أكمل بليل وده طبعا جنب مرتبى ونعيش بقى زينا زى 76 مليون اللى عايشين

وبس .......... مشيت طبعا وأنا مكتئب ومستنى كده كام يوم عشان ربنا يفرجها عليا وأنسى وما تبقاش نهايته هيا نهايتى .......... يارب

امم افريقيا 2008

كنا بنقول فاكرين زمان

دلوقتى بص شوف الان

منتخبنا كسبان

وبالرجاله مليان

راحوا غانا عايزين الكاس

وبصراحه الكل حاسس ان احنا هاننداس

نصر ورا نصر قرب حلم الكاس

وبدأ دعاء أحلى الناس

*************

كانوا بيقولوا جايبين مدرب من كفر الدوار

يلاعب منتخب كوت ديفوار

وقالوا شحاته ده معلم بيخلى الكوره تتكلم

قلنا ده لما كان بيلعب

دلوقتى هو بره الملعب

بس شحاته عالخط كان معلم

خلى غانا بالعربى تتكلم

وأهل كفر الدوار خلاص علموا على

دروجبا كوت ديفوار

****************

فلافيو فى الأهلى كان حبيبنا

ودروجبا أكيد بيرعبنا

بس جمعه كان معانا

هضبه مصريه جوه غانا

وايتو خلاص ميتو

بعد ما شادى امسكتو

**************

زكى ولعها نار

جوه دفاع كوت ديفوار

وزيدان لسونج واقف

وأبوتريكه للجون ده خاطف

والكل فرحان

معانا زكى وأبوتريكه وزيدان

*****************

وأرقص ياحضرى

افرح ياشوقى

برافوا يافتحى

اسجد يا حسنى

مبروك لكل مصرى

وعقبال أى عربى

******************

يقول عتريس من الشعب المصرى شاكيا لبهيه

لست جبانا ........................ ولكنى انسانا

خلقنى الله بعقل يفكر.............. وكنت أتجاهله

وقلب يتأمل ....................... فيكره

ويتخيل .......................... فيحب

وجعلتنى الحياه ................... جبانا أحيانا

بحثا عن خبزا ................... ليس طمعا ولكنه جوعا

ولكننى فشلت .................... ولم أحاول واستسلمت

واستسلامى جعلنى ............... ضعيفا مهزوما

وحيدا منتظرا ..................... موتا يريحنى

فهل يأتى موتا يريحنى ......؟

ترد بهيه قائله

ان انتظرت الموت .................... لن يأتيك

وان جاءك ............................ لن ينجيك

فأنت لم تفعل فى دنياك ................ ما يغفر لك فى اخرتك

فغامر حتى تنجح ..................... وتذكر طعم الأنكسار

من أجل تذوق طعم النجاح................

واعلم ان النجاح ...................... لا يأتى الا بالعناد

من قلب يتخيل النجاح ................ وعقل يفكر كالمصباح فى الظلام

ونفس تصبر على البلاء ............... فتظهر ضعف الحياه

وتستعين بالمولى ...................... فتعلم نهاية الحياه

أمريكا بوش ................ ايران نجاد

فى البدايه أحب أن أوضح أننى لن أتحدث فى هذا الموضوع كما يظن الجميع ........ أنا سوف أطرح سؤالا وأجيبه من وحى خيالى وأريد من قارئي المقال أن يتخيلوا ما سوف أتخيله على الأقل لمدة عشر دقائق ثم يتخيلون هم ويرسلوا لي بتخيلاتهم

السؤال .... ماذا يمكن أن يحدث عند اعلان جورج بوش الحرب على ايران ...؟

الاجابه ...... كعادتها الدول العربيه تستنكر والأسلاميه تستبعد وان قام بعض الشباب المتحمس أو الجماعات الأسلاميه ببعض المظاهرات داخل تلك الدول وبالطبع سوف يتم السيطره عليها ..... وأيضا بالتأكيد هناك عدد كبيرمن الدول الأوروبيه سوف تؤيد أمريكا ولكن من يرفض هذا القرار ويستطيع أن يواجه الولايات المتحده وربما بريطانيا ووارد فرنسا ............ أعتقد أو أتخيل وربما أحلم أنها سوف تكون اسرائيل التى سوف تعلن لأول مره أنها ترفض استخدام العنف مع ايران وذلك ليس حبا فى ايران وشعبها ولا هو احتراما وتقديرا لأحمدى نجاد بل انه ما يسمى بسلاح الدمار الشامل ....... فلو امتلكته ايران تستطيع ببساطه أن تستخدم مصطلح كثيرا ما نسمعه فى التلفزيون وهو على وعلى أعدائى أو تستخدم مصطلح اخر استخدمه عادل امام فى فيلمه مع سعيد صالح سلام ياصاحبي وكان هو يانعيش احنا الكل يانموت احنا الكل ............ وفى المصطلحين سوف تقضي ايران على جميع من بالمنطقه وخاصة تحت قيادة أحمدى نجاد

لذلك سوف ترفض اسرائيل وربما تقع فى مأزق مع بوش ان شاء الله ووارد أن تنضم لجبهة ايران وفى هذه اللحظه تجد روسيا الأتحاد السوفيتى سابقا أنه حان الوقت لكى تسترد قوتها من الولايات المتحده وتعلن تعاونها رسميا مع ايران ....... ويبدأ موقف ايران يزداد قوه وخاصة بعد انضمام كوريا الشماليه التى تسعى لنفس السلاح بل وتقع بجوار ايران بالمنطقه ومن مصلحتها التعاون مع ايران وربما تنضم الصين أو اليابان وان كنت أستبعد كلاهما حيث أن كلاهما يفضل أن يشاهد عن بعد وهو يسير بخطى ثابته نحو التقدم والأزدهار

بالطبع لن تقف الدول العربيه صامته بل ستعلن بعضها أنها ستتعاون مع ايران وتمدها بالوقود ودول اخرى سوف تعلن تعاونها عسكريا وخاصة أنها لا تمتلك البترول الكافى لكى تتعاون به

وبعد كل ذلك هل تحارب الولايات المتحده بجيوشها أم كالعاده بجيوش الأمم المتحده وهذا السؤال لن يجيب عليه سوى كوفى عنان لوكان موجود بقى وفى الحالتين هناك احتمالين لا ثالث لهما ........................... الحرب أو السلم

وفى حالة انسحاب أمريكا وان كان شبه مستحيل لن تنسحب روسيا ولا كوريا الشماليه وسوف تجبر كل من ايران وروسيا على اكمال اللعبه وبالتالى فان العالم مقبل نحو حرب عالميه بكل المقاييس وان كان هناك احتمالات كثيره بتغير مواقف بعض الدول حب المصلحه الشخصيه ومنهم بعض الدول العربيه

المهم الان وبعد قيام الحرب .............................. ماهى النتيجه ؟

أصبحت الحرب شبه متوازنه حيث تقف أمريكا ضد اسرائيل وان مالت الكفه لأمريكا ...... وهناك بريطانيا ضد روسيا وان مالت الكفه لروسيا وهناك كوريا وغيرها من دول الأتحاد الأوروبى التى ستؤيد الحرب ......................... ولكنه من الصعب التكهن بالنتيجه وتحديد الجهه التى يمكن ان تنتصر والجهه التى يمكن أن تخسر

شىء وحيد سوف يحدد النتيجه وهو الدول العربيه والاسلاميه وذلك ليس فى وقودها ولا سلاحها ولكنه فى اكتمال ايمانها الذي يكمل اتحادها وأن تترك الحرب تدور كما تدور ثم تبدأ بعد أن ينتهى الجميع وربما تكون المصلحه مع بوش هذه المره فى حالة القضاء على اسرائيل وعندئذ سواء فلحوا أو فشلوا تكون الفرصه للقضاء على من تبقى منهم أسهل بكثير فقد استعد الصياد ومرضت الفريسه فهل..............و

أيوه يا ماما صحيت والله ............ بس عايز الفطار ..... عشان متأخر

أصلى ماكنتش متغطي كويس

لو فى حد ماكنش متغطي ممكن يبعت يقول اللى فى نفسه

يارب

حبيت أكتب وأقول ان عندى امتحانات من يوم السبت ولمدة أسبوعين ..... يمكن حد يدعيلي

الفلوس مش كل حاجه

جمله سمعتها كثيرا ولكننى لم أدرك أن لها معنى سوى اليوم وذلك بالرغم من أنها تكررت على أذنى الاف المرات وخاصة من الأفلام المصريه ........... الواقعيه جدا فأحببت أن أؤكد من مدى صحة هذه الجمله بالاتى

الفلوس مش كل حاجه

جمله تافهه ....................... ومش لاقى ليها معنى

لما تقولها ليا ........................ يبقى بتكدب أكيد عليا

يمكن زمان ................... كان ليها مكان

لكن دلوقتى أى انسان .................................... يتمنى يكون بالفلوس مليان

بيها يشترى ويبيع ............................... فى الغلابه والمساكين

ودلوقتى بس صدقت ...................................... صاحبى لما قالى

معاك فلوس .............................. ادفع و دوس

جمله واضحه .................................... وحقيقه ثابته

واللى مش مصدق ............................................. يجرب يفك

ميه ولا 200 ......................................... ألف ولا أتنين

ومحدش هايسأل .......................................... جم منين ؟

ولو فينا حد يسأل .................................... التانى يقولوا فكك

مالنا احنا .................................. ولا ماله

ناسى ان ربه ............................................ عالم بحاله

ومستنى نهايته ............................................ اللى أكيد جايه له

بسم الله الرحمن الرحيم

مقدمه لابد منها ويمكن تزهقم شويه بس استحملوا

المهم ان اسم المدونه مش انا اللى اختارته وانا عرفته من مدونة بنت مصريه وعجبنى الأسم وفكرة التدوين والحفله اللى هايعملوها فقلت أعمل مدونه بسيطه وعلى أدى

وقبل ما تبدأ تقرا ياريت تاخد بالك ان انا حر فى كل كلمه باكتبها ومافيش حد له الحق فى مراجعتى الا واحده بس وهى .................................... بهيه

*شكر خاص لمدونة بنت مصريه لأنها ساعدتنى كتيييييييييير *

*اهداء من بهيه لكل المعتقلين ............... *

.............. غني يا بهيه .............

غني يا بهيه ...................وطلعي كل اللي فيا

قولي اللي بيا ...................واحكي للي بره

ان عندي 30 سنه .............ومنهم 60 يوم هنا

ولو قالوا فين هنا ؟ ..............ما تقوليش سجننا

قولى هنا .................من غير شمس ليل وبس

هنا شايف ...................نجمه مش عاليه

بس بعيده ..................ومش وحيده

..... ومعاها كلاب كتييره .......

جهلهم ذكاؤهم ...............وغبائهم سلاحهم

........... لو قلت لا ...........

ياكلوا من ...........................غير شبع

ناسين انى شمس بتنور........... ووراها نجوم كتيره

نفسهم فى ........................نهار جديد

ولو فاكر ان .....................الأه هاتنجيك

أكيد غلطان ....................لأنها هاتخلي

جهلك ذكائك ..................وغباؤك سلاحك

ودلوقتي يابهيه................. شايفانى ايه ؟

وانتى امتى ؟ ...................نشوفك احنا ؟