Sunday, July 24, 2011



رواية دون ماركوس

تتحدث الروايه عن الأحداث السياسيه داخل وخارج مصر منذ أحداث نكسة 67 وحتى أحداث 11 سبتمبر

وترصد الروايه علاقة الولايات المتحده الأمريكيه والموساد بالارهاب فى كل دول العالم

وتتعرض الروايه ايضا الى المافيا الايطاليه من خلال بطل الروايه

ماركوس فريدريك لوتشيز



Monday, February 7, 2011


بيان

من شباب مصر ... الى جيل النصر

من محبي فؤاد ودياب ... الى عشاق حليم وعبد الوهاب

من معجبين منى الشاذلي ... الى أصدقاء مفيد فوزي

من مستمعي عمروخالد والقرضاوي ... الى أبناء الشعراوي

من رجال أدهم صبري ... الى وحوش فريد شوقى

من جيلا لم يرى سوى الفقر والبطاله ... الى جيلا حارب الخسه والنداله

من جيلا لم يرى النصر ... الى جيلا هو من صنع النصر

من شباب مصر ... الى جيل النصر

نخبركم أننا أسقطنا النظام ... من شدة الفراغ

وأنتم من صنع الفراغ ... ونحن من أسقط النظام

أنتم من ترك عز الدخيله يحتكرنا ... وجعل السلطه ترهبنا

أنتم من جعل هايدلينا تلوثنا ... وانفلونزا الخنازير تصيدنا

أنتم من جعل البطاله تقتنصنا ... لتصبح الهجره حلما لنا

أنتم من منع عمروخالد ... ومنكم من قتل الشاب خالد

أنتم من أدخل التك تك ... ونحن من استخدم الفيس بوك

منكم من قتل السادات ... ومعظمنا شارك فى سقوط النظام

نحن من أسقط النظام ... فقط فى سبعة أيام

أسقطناه لأسباب عديده ... بدايتها البطاله ونهايتها نفوس السلطه المريضه

أسقطناه بلا مساعده من ايران ... ولا تنظيم مع جماعة الأخوان

أسقطناه وكان خالد سعيد فى فكرنا ... ولم يكن البرادعي قائدا لنا

فاذا كنتم صناع نصر أكتوبر

فنحن من صنع 25 يناير

*********************


سقوط النظام لايعني بالضروره خروج مبارك فى تلك اللحظه ولكنه يعني عدم وجوده بعد نهاية ولايته والأهم عدم وجود جمال مبارك وأحمد عز وحبيب العادلي وغيرهم ممن سقطوا فى بئر 25 يناير


*********************

Tuesday, August 31, 2010

البقاء لله ...... البركه فيك
البقيه فى حياتك
انا لله وان اليه راجعون
كلمات نذكرها جميعا فى ايمان
وتكررها الألسن فى اتقان
دون أن تدرك خطورتها على الأذان
حتى يأتى يوم الأمتحان
فتقف لتسمع تلك العبارات
ويعجز اللسان عن الرد بأى كلمات
فترد العيون بدموع الموت
دموع لا تخرج الا أمام ضعف المرضى
وخوفهم أن يصبحوا موتى
دموعا تخرج من ابنا
يرقد تحت أقدام والدته
ينتظر الموت ويعجز عن ايقافه
دموع طبيب يرى نهاية مرضاه
ويعجز عن مجرد تأجيلها
......
فهى قادمه لا محاله
لحظه خوف تبكي لها العين
وترتعد الأجساد
من مجرد التفكير فى ظلمات القبر
لحظه من عمل لها فى دنياه
سيجنى ثمارها فى اخرته
...............................


Monday, November 9, 2009

بسم الله الرحمن الرحيم
وبه نستعين
عدت والحمد لله بعد فتره أشبه بفترة الثانويه العامه
ربما لم أحقق ما جعلنى أتوقف عن الكتابه بالتحديد
فى تلك المدونه
ولكنني جئت وجئت أقوى والحمد لله
كما تعرفونني
لن اكتب كثيرا ولكنى أعد بمقال قريب ومقالات أكثر
وان شاء الله
نتواصل جميعا
شكرا لكل اللى كان بيسأل عليا وللي ما سألش برده
ألقاكم قريبا باذن الله

Sunday, March 22, 2009



خدعه .... اسمها الدنيا



تضعنا أمهاتنا بعد تسعة أشهر حمل قطعه من اللحم الأحمر جسدا عارى يرتدي ما يجده دون تفكير وقلبا خاوى ينبض متفائلا للحياه يحب فقط ولا يكره لأنه اذا كره بدأ التفكيروعقلا خالي يبحث عن التفكير بطبيعته فتبدأ المشقه ونظل هكذا أياما وشهورا وأعواما حتى ننضج ويبدأ التمرد بمختلف أنواعه بعد أن تجد عقولنا ما كانت تبحث عنه وتبدأ تفكر فى كل شىء مشتاقه للتفكير فنفكر فى الملبس والمأكل وربما الشراب وتتمنى قلوبنا أن تحب كل شىء وأى شىء ولكن التفكير يجعلنا لا نحب الا قليلا ونكره كثيرا وتمر السنوات نكذب وننافق ونخدع وربما أكثر من ذلك حتى نعيش ويخرج كل منا من أسره صغيره كان عضوا فيها ليبنى أسره له متعجلا ومحبا لهذه الخطوه لا يعلم كم الهموم التى تزداد ومعها يزداد التفكير وتزداد المشقه ويعيش كل منا داخل قوقعه اسمها الدنيا وربما ننسى من أحضرونا الى الدنيا ليس جحودا ولكنه هما ومشقه وتمتلأ قلوبنا بالكره وشيئا من الحب وتظل عقولنا تعمل ليلا ونهارا لا تقف عن التفكير وتتمنى أن يتركها التفكير وتدور الدنيا لنكتشف أن لا شىء يستحق الكره ولا أحد يستحق الحب الا سبحانه وتعالى واذا فكرنا في عظمته وجلاله ازداد حبنا له وبدأنا نكره الدنيا لأنها رحله ونحن بها ضيوفا والنهايه قادمه لا مفر ومنا من يعمل لها ومنا أيضا من نسى ولا يعمل لها مع أنه يعلم أن لا مفر


Tuesday, January 20, 2009

بسم الله الرحمن الرحيم
وصلنى من حبيبي الدكتور محمد الجوهرى التاج ده وأنا هاجاوبه وأحب أشكره بصفته أول شخص أو مدون يرسل الي تاج رسمي ويطلب مني اجابته بصفه رسميه أو شخصيه بعيدا تماما عن هوية بهيه
السؤال الأول : اذكر ستة أسرار لا يكتشفها من يقابلك لأول مره ؟
الاجابه
بصراحه ماكنتش أحب أجاوب عن السؤال ده بالذات بس يلا بقى
انا ها أتكلم بصراحه وأجرى على الله
اولا : أول ما تشوفنى هاتقول ان انا تنك وفرحان بنفسي
بس لو بقينا اصحاب هتلاقي واحد تانى خالص
ثانيا : تقدر تقول مزاجي
يعنى لو مضايق احسن لك تبعد عني
ثالثا :هاتقوول انى طيب اوى
لان شكلى شبه الأطفال شويه ده غير انى حلو ومسمسم طبعا
بس انا عصبى جدا وما بتفرقش معايا وتاريخي معروووف لزمايلى جوه الجامعه
رابعا : ممكن تقول مغرور
انا والله الحمد لله شايف ان انا ممكن اكون واثق فى قدراتي بس مش مغرور
وعلى فكره اى حد بيقولى انت مغرور ....... بقوله اه
فى حاجه ......؟
خامسا : لو شفتنى با تخانق هاتقول ده بلطجى
بس والله كل خناقاتى من كبيرها لصغيرها بتبقى على حق
يا اما ليا او لحد حبيبي اوى
سادسا : هاتقول انى عملى جدا
يمكن اكون عملى وده مش عيب
بس على فكره كمان فى شوية رومانسيه على شوية تهريج مع زمايلى
السؤال التانى : سبع حاجات نفسك تعملهم ؟
اولا : يارب اقدر انجح فى الزماله البريطانيه لانى اكتشفت انها صعبه جدا
ثانيا : اطبع بقى روايتى وأقول لناس كتيييير ان انا كاتب غصب عن اى حد
على فكره سواء طبعتها او ما طبعتهاش انا كاتب ان شاء الله حتى لو فى أحلامى
ثالثا : الروايه اسمها ماركوس ودى ان شاء الله اللى هاتتطبع اخر كلام
ويارب بقى تتعمل فيلم سينما ..... وكده يبقى قشطه اوى
رابعا : أبقى دكتوووووور ناجح ومشهووور
خامسا : أسافر ايطاليا
سادسا : طبعا يبقى عندى عياده جامده جدا ان شاء الله
سابعا : أتجوزها ومش مهم هيا مين دلوقتى
ويكون أول حرف من أسماء ولادى ............. م
السؤال التالت : سبع حاجات معرفتش تعملهم ؟
ان شاء الله كل حاجه هاعملها ولو فى حاجه مقدرتش اعملها
اكيييد مفيش يأس
السؤال الرابع : سبع حاجات دايما بتقولهم ؟
مش عارف بصراحه
غير ذكر الله
السؤال الخامس : سبع مشكلات فى حياتك ممكن تحلهم بالفلوس ؟
مع احترامى للجميع ....... فى الدنيا دي والبلد دي كل حاجه ممكن تحلها بالفلوس
من الأبره للصارووووووووخ
السؤال السادس : سبع أماكن بتحبهم ؟
الاسكندريه
مطروح
اكتوبر القاهره
كورنيش النيل
سيتى ستارز
روما ...... مع انى ما رحتش
السؤال السابع : اشخاص بتحبهم غير بابا وماما واخواتى ؟
اكيد نبينا عليه الصلاة والسلام
خالد بن الوليد رضى الله عنه
كل المدونين
عمر موسى
عمر أديب
أحمد السقا
واحده هيا عارفه نفسها كويس بس بحبها لما بتسمع الكلام بس
السؤال التامن : مدونين بتحب تقرا لهم ؟
اللى انا كاتبهم فى المدونه
السؤال التاسع : تمرر الواجب لمين ؟
نقووول لمدونة واحده مفروسه - الفارس الملثم
وكل اللى نفسه ياخده ياخده بقى وربنا معاه
ألف شكر يا جوهرى وياريت ما تتكررش

Monday, January 5, 2009

عيد ميلاد سعيد للمدونه بمناسبة مرور عام كامل على المدونه
******************************
يوم عاشوراء صيام من أجل غزه
قراءة القران والدعاء لغزه
*********************
تحديث ثاني فى بوست قديم اوى
بيحكى عن اصحابي لو لسا فاكرينه
اسمه
كانت شله كبيره
التحديث بتاريخ
3/1/2009
***********