لو لم أكن مصريا ..... لوددت أن أكون زيديا
أيام وسنين واحنا العرب
كؤوس المراره لسا بتتشرب
والكل شايف غلابه وسلاطين
بس الغلبان عايش ما بيده شىء
والسلطان مبسوط وفى يده كل شىء
وبهيه المصريه وأخواتها العرب الكل انتظر
يوم الشرف بأي الطرق
والأنتظار طال حتى وصل منتظر
ابن الزيدي وصل وفى الأرض الخضراء
أمام شاشات الفضائيات رفع الحذاء
ليعطي قبلة الوداع لشخص
كثيرا ما سمعنا نباحه
حتى جاء الوقت ليضع رأسه محل حذائه
مافعله منتظر كان حقا منتظر
ولكنه فقط خطوه على طريق
اتضحت معالمه
والان ننتظر قائده
13 comments:
و الله يا ابن بهيه
الراجل من غلبه عمل كده
يعنى الواد شايف الهم اللى همه فيه
و اللى بيحصل معاهم
و الناس اللى بتموت
و التانش اللى عمال يقول تصاريح كدب فى كدب
و بيضحك بيها على العالم كله السازج
حاجه مش ممكن
ده الواحد كان نفسه الصحفى ده يكون حدفه كملن بالقلم اللى فى ايده
تقوم تيجي فى عين بوش تعورهاله
ياسلااااام
فعلا كانت حتبقى السنة الكبيسة ديه
ختمت بحاجه سعيدة جداااا
المهم الفاتحه على روح الصحفى
اللى مش حنشوفه باين تاني
و كل عام و انت بالف خير و سعادة
و تفتح العيادة عن قريب
اصل مفروستك بتشاور عقلها فى عمل طقم
هههههههههههههه
كل سنة و انت دايما انت و اصحابك واهلك بالف خير و سعادة و راحة بال
فمن لم يستطع فبحذائه وذلك أضعف الايمان
بوركت الأيادي
الله عليك بجد
اسلوبك طول عمره متميز والله
احييك على اسلوبك الجميل
وعلىموقفك تجاه هذا الحدث
الله عليك ياحبيب والديك
طول عمرك فنان
طبعا عارف رأيي
مش محتاجة فكاكة
كيكيكيكيك
تحياتي وقبلاتي
السلام عليكم
ايه يا دكتور فينك من زمان؟؟
مفتقدين تدويناتك واغانى بهية
مع تقديرى للجزمة اللى نفسى كانت تعمله عاهة مستديمة علشان يحس باللى عمله فى العراق
بقدر حزنى لاننا فى انتظار بطل يحارب ولو بالجزم
مأساة
تحياتى
الله عليك يا دكتور
جميل قوى حقيقى هذا القول لو لم اكن مصريا لوددت ان اكون زيديا
حقيقى تسلم ايد البطل و ربنا يسلمه و يرده لأهله سالما قادر الرحمن على ان ينصره و يحفظه و يعينه و يخفف المه ياارب
تسلم يديك و حقيقى كانت وحشانا اغنيات بهيه و احساسك الرائع فى
تدويناتك .. حمد الله على السلامه
تقديرى و تحياتى
عقبال يا مصطفي ما يجي اليوم اللي الجزمة زي تبقي رمز سقوط الانظمة المستبدة الجاثمة علي كل شعوب الوطن العربي وبدال مانكسر ورا كل حاكم عربي قله تبقي وداع بالجزم
سلاممممممممممممممممممم
.
انت عملتها ملحمه زى ملحمه ابو زيد الهلالى
بس للأسف شكلنا هنقضيها اساطير
وان كان دة لا يقل من قيمه
الزجل الجميل بتاعك ونسقه ونظمه الرائع
.
عارف هي نفس عن نفسه وعننا
هو بجد حدث غير :)
كلماتك كمان غير
ربنا يوفقك
الله ياغني ببهيه بجد روعه المدونه كلها حلوه ربنا يساعدك تحقق كل احلامك
الله ياغني ببهيه بجد روعه المدونه كلها حلوه ربنا يساعدك تحقق كل احلامك
اللي عمله منتظـِر أكيد كان منتظـَر
كلنا فرحنا فعلاً باللي عمله والقلب سقف له قبل الإيدين
بس هو لوحـده مصيره يا ترى منتظـِر إيه
؟؟؟؟؟
تحياتـي ..
شكرا ليكووووووووووووو
كلكم
وكلكم وحشتونى والله
وكل سنه وانتووو طيبين
كلكم
يارب
وربنا يوفقك يا مفروسه
وشكرا على سؤالك الدائم
تحيات بهيه
Post a Comment