أتحدث بعد صمت استمر كثيرا وكان صمتى أملا ولم يكن عجزا
أملا فى أن يترك السلطان عرشه ويعود الفلاح لأرضه
أملا فى أن يخرج السلطان من قصره ليرى الغلبان فى قبره
لم يمت .. ولكنه فقد القدره على أن يحيا .. فتمنى أن يمت
تمنى أن يمت
ليترك الأمراء يتمتعون وحدهم وكأن النيل فقط لهم
ولما استمر صمت المساكين زاد جبروت السلاطين
فتركوا المساكين يبحثون عن الخبز وذهبوا يبيعون لأعدائهم الغاز
وازداد فقر المساكين وازدادت أموال السلاطين
واستمر بحث المساكين عن المم حتى مرضوا بأكياس الدم
ومات منهم من مات بأكياس الدم وليس من قلة المم
وخرج السلطان يبرىء الدم ويعطى وعود بتوفير المم
وظهرت اسراء تدعو للأضراب ومن خلفها اجرام واعداء للسلطان
وكانت المحله اولى ضحايا الاجرام وليس الأضراب
وخرج السلطان يبرىء اسراء ونشكره لبراءة اسراء
ويدين الأضراب ونحن نرفض وندين الأجرام ونشكر اسراء
ومازال الغلبان يبحث عن أجر يوم بيوم
بينما السلطان قرر انشاء مصنع أجريوم
وفى احتفاليه للأمراء كان بلال الغلبان معترضا أمام السلطان
يطلب عن بهيه الأفراج
وداخل هذه الأحداث مازال الغلبان فى قبره
يرى معارك الأخوان والسلطان معارك ظاهرها من أجل الغلبان
وداخلها من أجل عرش السلطان
وأنت ياغلبان بدأت تدرك وتطالب بحقك
باعتصامك او اضرابك بعيدا عن السلطان او الأخوان
فما ضاع حق وراءه مطالبا............ أبدا
36 comments:
انا جيت و حجزت اول واحده اهه فى العيادة..اللى لاقتها فاضيه....حجيب ايس كريم... و الف اتفرج على الفتارين اللى فى المدونه...وادور على بهيه .....وارجع تانى....سلام مؤقت
انا خلصت الايس كريم .... و لقيتكو عندكو غزاء دخلت عزيت و شربت القهوة الساده و انا لله و انا اليه راجعون
و لقيت فرح دخلت هنيت و شربت الشربات و قلت ربنا يتمم بخير.....و لقيت مظاهرات رحت اسخبيت ...لقيت واحد بيذاكر و عنده امتحانات دعيتله بالتوفيق و سبته و مشيت....قلت ارجع يمكن الدكتور يكون جه .. لقيته لسه مجاش...اصلى بعيد عنك عندى ضرس تاعبنى و عاوزه اخلعه....لما تقابل الدكتور قوله انى جيت
سلام
وانا جيت
اوعى تخلعيه .... حاولي تحشيه عادى او عصب
شكرا لكي
تحيات بهيه
أغنية بهية حزينة اوى النهاردة مفيهاش حاجة تبسط الا الجملة الاخيرة ما ضاع حق وراءه مطالب. بهية مر عليها مئات السنين و هى بتدور على حقها تخلص الملكية و تيجى تانى مستخبية تحت اسم جمهورية و يروح انجليز و ييجى بدالهم اللى ينهب برضه و المرة دى متقدرش تقول استعمار لانه من اهل بهية يعنى حاميها حارميها. اتكلم و خلينا نتكلم لحسن السكوت بقى عار علينا كلنا و الكلام لو مطلعش هنتخنق
تحياتى
اهلا جنه
والله معاكى حق ..... السكوت فعلا عار
والساكت عن الحق شيطان أخرس
حلوه اوي يا مصطفي حكيت كل شيء
بس يا تري لسه في امل
مش عارفه خائفة اقول مافيش فائده
يبدو ان بهية تعبانة اوي يا مصطفي , وممكن نقول طفح بيها الكيل..
يمكن يكون في امل مع وجود ابناء لبهية زي اسراء وغيرها ممن قرروا ان يقولوا لا بصوت مسموع ومع صراخاتهم بدا يهتز عرش السلطان
تحياتي
محمد
لابد وان يكون هناك امل ياايناس
والا انتهت الحياه
وبالنسبه لبهيه يامحمد
هى فعلا طفح بيها الكيل
..................................................................................................................................................................................................................................................... كل اللي فات ده تعليق بس بالحبر السري انت عارف الحيطان لها ودان
و تحيا مصر
اسلوبك رائع ربنا يوفقك بس ماتخبطش في الحلل كتير
لابد من يوم محتوم تترد فيه المظالم
اخر جملة جاية فى وقتها جدا
===================================
" ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
سعيده بزيارتى لمدونتك
كلمات جميله ومعبره ومدونتك جميله وجريئه . بس صدقنى طول مافيه شباب زيك يبقى الامل موجود ولازم بهيه حترجع تانى تغنى احلى اغنيه .
لك تحياتى
وخالص الامانى والدعوات للغاليه بهيه
rovy
تعليقك وصل يا هاجر وشكرا
بس اعمل ايه اذا كانت الحلل هى اللى بتستفزني
باذن الله اليوم ده هاييجي يا موناليزا بس يارب نكون عايشين لما ييجي
جزاك الله كل خير
شكرا روفي
وربنا يوفقك يارب
بهيه اتلمي شويه .
يابني بهيه بحبك ليها هتوديك في داهيه اهلينا علمونا منمشيش جنب الحيط لا نمشي جوه الحيط نفسه .قولنا كتر ماتو كتير صرخنا كتير حد سأل عن بهيه ديه ولا عبرها حتي بحبة حنيه لا والله سايبنها بقالنا كتتتتتتر لسه فاكرين نثور ونقوم ونعمل اعتصامات .فكر يابني تخلص كليتك تسافر وتعملهم وتيجي تتجوز واحده قمر وتفتحلك عياده وتعشلك يومين اسراء لما اتكلمت اتحبست وهوا دا حال اللي ماسكين بهيه بيعلمونو بجد ازاي فعلا نبقي شياطين خرس
موضوعك للاسف هايل جدا
ربنا يسترها عليك ان شاء الله
الامل ايه اللى حضرتك بتبحث عنه الامل مات خلاص لما الفساد زاد عن حده قوى حسبنا الله ونعم الوكيييل
تحياتى ولاء
طبعا ما ضاع حق وراءه مطالب
ولو الحكايه فضلت كده على طول
السلطان هيتعب جدا جدا
انا مش شايفها سوده اوى كده ياولاء
زى ما فى مصائب فى برده افراح وفى كمان انجازات
شكرا يا ولاء
اهلا فرنسا هانم
احب فيكي الجرأه والشجاعه
تقبلني ضيف عندك
بجد بوست اكثر من رائع تسلم يا دكتور
عجبتني اوي اكياس الدم والمم
الظلم اكيد ليه نهايه يا تري مين اللي هيكتب النهايه دي؟؟
تحياتي
لا فى أن يخرج السلطان من قصره ليرى الغلبان فى قبره
لم يمت .. ولكنه فقد القدره على أن يحيا
كلمات جميلة جدا
حقيقة انت مبدع
وكتباتك كلها هادفة وشيقة
انا بقرأ باقى التدوينات اللى فاتتنى
تحياتى لك
احمد
انت تشرف
يا دكتور مودى
ويارب البوست كله يعجبك
ياااااااااااااااااااااااااااااه
اخيرا
والله فرحت
نورت يا احمد
بهيه فرحانه جدا
ويارب كل البوستات تعجبك ولو انها على قدى ياعنى
مبشرات النصر بدأت تظهر
بكل هؤلاء الغلابة الذين قرروا التخلي عن غلبهم .. والوقوف أمام السلطان
---
فقط أنا لست أدري سر عدم اقتناعي بأن جماعة تدفع أبناءها للمطالبة بحق الغلبان - ولو ظاهريا - فيحصلون على عشرات السنين بالحبس ! وتصادر أموالهم عن بكرة أبيها ! ثم يصبرون ولا يثورون ولا يقتلون ولا يتخذون العنف سبيلا ..
همهم هو كرسي السلطان !
---
دمت بكل خير
ودمت مبدعا
أؤيدك جدا يا خبيب
كل ما يتم بواسطة اى جماعه
ليس من اجل الغلبان ولكنه من اجل العرش
شكرا لزيارتك
بجد والله موضوع هايل
مش ملاحظ ان فكرنا متقارب في الموضوع دا
احنا الاتنين بنؤيد الاضراب وبنرفض البلطجه بتاع المحله
سعيد بصداقتك
تحياتي يا دوك
فعلا ما ضاع حق وراءه مطالب
بس يارب معانا علشان نقدر نلاقى بقى المم
ربنا يخللنا امثال اسراء
حلوه اوي اوي
لم يمت .. ولكنه فقد القدره على أن يحيا .. فتمنى أن يمت تمنى أن يمت ليترك الأمراء يتمتعون وحدهم وكأن النيل
فقط لهم
رائع جدا الجزء ده
بجد تحياتي
ما ضاقت الا اما فرجت ان شاء الله
الجنة وحشااااااااني قوي
ربنا يوفقك فى امتحناتك وفى شغلك
وكلامك حلو اوى
عالبا السلطان محقون فورمالين
ومتربط بفتل تحركه زى الماريونت
واحنا الشعب لنا الله
واأسفاه على زمن كان الخليفه تتورم قدماه من المرور فى الشوارع ليتفقد أحوال الرعيه
ويكتفى بكسرة خبز وقطرات الخل!!!!
لنا الله
"وكانت المحله اولى ضحايا الاجرام وليس الأضراب
وخرج السلطان يبرىء اسراء ونشكره لبراءة اسراء "
اسجل فقط للتاريخ :
لما اعلن السلطان براءة اسراء فدى كانت الفرقعة اللى عملها فى السما علشان كلنا نبص فوووووووووووووووووووووووووق وننسى اللى تحت ... العيال الغلابة اللى متاخدين من المحلة ... واللى طبعا بعد ماافرجوا عن اسراء الناس باست ايديها وش وضهر ونسيوهم
وبعيد عن الكلام ده ...حلوة الفكرة وحلو الاسلوب
يارب المرة الاقى بيهة المرة الجاية فى عندها امل وربنا يفقك
صعب اوى ان جماعه ابنائها كل يوم فى المعتقلات ويتحبسوا ويتصادر اموالهم اللى بالملايين
عشان الكرسى
ماكان الاسهل انهم يتحالفوا مع النظام وساعتها يمكن يمسكوا رئاسة الوزراء
على فكره انت مدنتك اكثر من رائعه احييك عليها
بهيه تعبانه يامصطفى هي اه اجت عيادتك واشتكت ان في الم في اسنانها وانتا فعلا كشفت عليها وبما انك انت الطبيب واحنا ولاد بهيه عرفتنا على نوع الالم اللي بتشتكي منه بهيه وهو (ان في ضرس في بق بهيه حالته مستعصيه... مسكاه سوسه بنت لزينه من27 سنه لحد ما وصلت للعصب فمقدرتش بهيه علي الالم فشتكت بهيه)
والعلاج يأما حشو عصب..او خلع درس بهيه
بجد بجد كلامك روعه
وكنت مبسوطه وانا بقرأه بالرغم من كم المشاكل ووجع القلب اللي بتتكلم عنه
كنت مبسوطه لان الكلام ده اللي كاتبه شاب من ولاد بهيه
ربنا يخليك لبهيه
Post a Comment