بسم الله الرحمن الرحيم
وصلنى من حبيبي الدكتور محمد الجوهرى التاج ده وأنا هاجاوبه وأحب أشكره بصفته أول شخص أو مدون يرسل الي تاج رسمي ويطلب مني اجابته بصفه رسميه أو شخصيه بعيدا تماما عن هوية بهيه
السؤال الأول : اذكر ستة أسرار لا يكتشفها من يقابلك لأول مره ؟
الاجابه
بصراحه ماكنتش أحب أجاوب عن السؤال ده بالذات بس يلا بقى
انا ها أتكلم بصراحه وأجرى على الله
اولا : أول ما تشوفنى هاتقول ان انا تنك وفرحان بنفسي
بس لو بقينا اصحاب هتلاقي واحد تانى خالص
ثانيا : تقدر تقول مزاجي
يعنى لو مضايق احسن لك تبعد عني
ثالثا :هاتقوول انى طيب اوى
لان شكلى شبه الأطفال شويه ده غير انى حلو ومسمسم طبعا
بس انا عصبى جدا وما بتفرقش معايا وتاريخي معروووف لزمايلى جوه الجامعه
رابعا : ممكن تقول مغرور
انا والله الحمد لله شايف ان انا ممكن اكون واثق فى قدراتي بس مش مغرور
وعلى فكره اى حد بيقولى انت مغرور ....... بقوله اه
فى حاجه ......؟
خامسا : لو شفتنى با تخانق هاتقول ده بلطجى
بس والله كل خناقاتى من كبيرها لصغيرها بتبقى على حق
يا اما ليا او لحد حبيبي اوى
سادسا : هاتقول انى عملى جدا
يمكن اكون عملى وده مش عيب
بس على فكره كمان فى شوية رومانسيه على شوية تهريج مع زمايلى
السؤال التانى : سبع حاجات نفسك تعملهم ؟
اولا : يارب اقدر انجح فى الزماله البريطانيه لانى اكتشفت انها صعبه جدا
ثانيا : اطبع بقى روايتى وأقول لناس كتيييير ان انا كاتب غصب عن اى حد
على فكره سواء طبعتها او ما طبعتهاش انا كاتب ان شاء الله حتى لو فى أحلامى
ثالثا : الروايه اسمها ماركوس ودى ان شاء الله اللى هاتتطبع اخر كلام
ويارب بقى تتعمل فيلم سينما ..... وكده يبقى قشطه اوى
رابعا : أبقى دكتوووووور ناجح ومشهووور
خامسا : أسافر ايطاليا
سادسا : طبعا يبقى عندى عياده جامده جدا ان شاء الله
سابعا : أتجوزها ومش مهم هيا مين دلوقتى
ويكون أول حرف من أسماء ولادى ............. م
السؤال التالت : سبع حاجات معرفتش تعملهم ؟
ان شاء الله كل حاجه هاعملها ولو فى حاجه مقدرتش اعملها
اكيييد مفيش يأس
السؤال الرابع : سبع حاجات دايما بتقولهم ؟
مش عارف بصراحه
غير ذكر الله
السؤال الخامس : سبع مشكلات فى حياتك ممكن تحلهم بالفلوس ؟
مع احترامى للجميع ....... فى الدنيا دي والبلد دي كل حاجه ممكن تحلها بالفلوس
من الأبره للصارووووووووخ
السؤال السادس : سبع أماكن بتحبهم ؟
الاسكندريه
مطروح
اكتوبر القاهره
كورنيش النيل
سيتى ستارز
روما ...... مع انى ما رحتش
السؤال السابع : اشخاص بتحبهم غير بابا وماما واخواتى ؟
اكيد نبينا عليه الصلاة والسلام
خالد بن الوليد رضى الله عنه
كل المدونين
عمر موسى
عمر أديب
أحمد السقا
واحده هيا عارفه نفسها كويس بس بحبها لما بتسمع الكلام بس
السؤال التامن : مدونين بتحب تقرا لهم ؟
اللى انا كاتبهم فى المدونه
السؤال التاسع : تمرر الواجب لمين ؟
نقووول لمدونة واحده مفروسه - الفارس الملثم
وكل اللى نفسه ياخده ياخده بقى وربنا معاه
ألف شكر يا جوهرى وياريت ما تتكررش
10 comments:
صباح الخير يا ابن بهية
يرضيك ادخل الصبح كده على الريق الاقي امتحان مفاجيء منك؟؟
كده برضه؟
طيب ليه الامتحانات اللى على غفلة ديه
مش لازم نذاكر ؟
طيب فيه غش فى الامتحان ده و لا ايه؟
انا كنت نويت اني مش اعمل امتحنات تاني ابدااااا
بس بما ان الامتحان من عندك ححاول جاهدة انى احلة
بقولك ايه هوه ممكن الاستعان بصديق:))
ربنا يستر بقا
هههههههههه حلو البوست واجابتك والرومانسيةاللي فيها حتقولي ازاي حقوللك بعض الاجابات فيها رومانسيه ويارب يحقللك كل اللي بتتمناه وصفاتك ديه شكللك برج الدلو او جوزاء اوميزان بس برجح دلو وجوزاء
دمت بالف خير
البوست رائع بجد
و من طريقة إجابتك
عرفت ليه أنت و د.جوهرى أصحاب
:)
لالالا
ربنا معاكو
ماتقلقوش
الحالة مستعصية بس
ان شاء الله تحقق كل اللى بتتمناه
خالص تحياتى
السلام عليكم
ازيك يا دكتور
أنا فاتنى الاحتفال بالمدونة
كل سنة وانت طيب
اسرارك ضحكتنى بصراحة ..بقى كل اللى يشوفك هيفتكر كده
ربنا يحققلك كل أحلامك
ليه بقى نفسك تسمى الرواية ماركوس؟؟
تحياتى
ya3ni heya law masem3etsh el kalam mesh 7at7ebaha!!!!????
ان شاء الله مش هتكرار تانى!!!
عاجبتنى اوى الحتة دى**
وحتة الى يقولك مغرور تقول اة مغرور فى حاجة
***حلوة اوى ثقتك فى نفسك دى**
لمة بتقول حتى لو متنشر ليك حاجة برضة من جواك كاتب
ربنا يحقق احلامك وتروح روما وايطاليا**وتجوزها**
امممممممممممممممممممممممم اية تانى؟؟؟
مش عارفة بس حلو اسلوبك فى الرد
امشى انا بقى
عوووووووو
ازيك يا واد يا ضكتور؟؟؟
اولا اسمه عمرو موسى
قبل ما تطله الروايه ابقى هاتها اراجع الغلطات الاملائيه.....
ولو ينفع تنسر حته صغيره ده ممكن يساعد على النشر
وشكلك كده معملتش عمره قبل كده
ربنا يكتبهالك
وساعتها حتلاقى ان المدينه احب مكان على قلبك
سبحان الله
ازيك يامصطفى انا ابو الخير انا عملت مدونة اسمها mostafaezat2010.blogspot.com
محدش بيسمع صوتك ليه يابنى
حلو اسم مدونتك وحلوه مدونتك
كل سنه وانت طيب
تقبل مرورى
جميل جدا اسلوبك فى الرد
حلو ومسمسم
عاجبتنى اوى الحتة دى
ههه
تقبل مرورى
واتمنى الزيارة
Post a Comment