لست فقط ....................... طبيب أسنان
أخيرا ........ حصلت على لقب لطالما سعيت طوال خمس سنوات من أجل الحصول عليه وحلمت به فقط من عامين والان فقط أحببته وأصبحت أعشقه مثله مثل هذه المدونه
أعنى بما سبق أنني دخلت الجامعه وكل امالى الحصول على مورد رزق ثابت ومركز مرموق مثلي مثل جميع طلاب الثانويه العامه ولكن الفارق هنا أنني تمردت على مكتب التنسيق و بمساعدة والدي الطبيب البشري استطعت أن أدخل جامعه خاصه وكان من الطبيعى ان أدخل كلية الطب ولكنني مره اخرى تمردت وأعلنت العصيان بعدم رغبتى دخول كليتي الطب والصيدله ورغبتي الشديده فى أن أصبح كاتبا روائيا
وكنت أعتقد أنه من المستحيل الجمع بين الطب والكتابه أى الهوايه ...... ولكنني دخلت الكليه لست مقتنعا ولكنني أنا وحدي من قرر دخول عالم طب الأسنان وسط ذهول جميع من حولى ودون أن أنسى أبدا حلم الكتابه ...... وفى اول ثلاثة سنوات كنت مجرد طالب وأعني أنه لم يكن لدى أى خطط لمجال طب الأسنان وكانت أقصى طموحاتى أن أذاكر لأحصل على شهاده تجعلنى طبيبا ثم أذهب للتأليف ... وفقط
وبعد الثلاثة أعوام الأولى ... حدثت المشكله بيني وبين أقرب شخص الى قلبي فى الجامعه والغريب ان المشكله لم يكن لها سبب واضح و المهم أن النهايه كانت الفراق وليس معه فقط بل مع باقى أعضاء الشله ..... ولحسن حظي أنه رفض جميع محاولاتى بالتهدئه والصلح ومن رضا ربي أن الجميع تركوني لأجد نفسي داخل أسوار الجامعه وحيدا فى نهاية العام الثالث ولم يبق سوى أيام وتبدأ الأختبارات
تأزمت وضعفت واستسلمت وبصراحه انهزمت وبدأت أبحث التحويل الى جامعه اخرى وفشلت .... وبدأت أفكر فى ترك الكليه والتحويل الى كلية الطب حيث كنت أود الهروب وفى نفس الوقت ألعب على وتر دخول كلية الطب البشرى وكنت أعلم أن نسبة موافقة والدى على هذا الأقتراح كبيره جدا .......... وبمرور الوقت شعرت بضعفي واستسلامي وربما انهزامى وبدأت أبحث فى نفسى فوجدت أنني خسرت وانهزمت ولكن المعركه لم تنتهى .... المعركه تنتهى بفشلى فى أن أنجح وحدى ...... الهزيمه تبدأ اثارها مع أول سقوط لي داخل الجامعه وخاصة ان كان نتيجة تركهم لي..... فوجدت أن الفرصه قائمه فى أن أنجح وحدى دون مذكرات دون مساعده دون حضور محاضرات ..... وفقط بمجهودي انا والكتب ................................ ونجحت وعبرت أصعب مرحله فى حياتى .... وعبرت لأصبح بشهادة الشهود أقوى وأجرأ
اجتماعيا........ بعلاقات أقوى مع زملاء جدد لم أعرفهم سوى فى العام الرابع والخامس ولم يشعروا بوجودي فى الدفعه سوى فى العام الرابع والخامس وعلاقاتى بأساتذتى زادت وأصبحت أسعى لها
وعلميا ..... زاد مستوى درجاتى مع مستوى طموحاتى فى الحصول على المزيد ولو ان هذا الطموح كان متأخرا ولكننى أعد نفسي قبل أن أعدكم أننى لن أتوقف عن محاولة تحقيق أعلى المراتب العلميه ليس من أجل شخص ولكنه من أجل تحدي مع شخصي أنا......... وأعتقد أننى وجدت نقطة البدايه بدراسة زراعة الأسنان ........................................... باذن الله
وثقافيا ..... أصبحت أخرج مالدى فى المدونه حيث لم أبدأ التدوين سوى فى العام الخامس ......... وأيضا بدأت أسعى للحصول على فرصة أنشر بها احدى رواياتي ..... كما توصلت لشركة فيلم كلينيك لصاحبها السيناريست محمد حفظي ..... الان أدرس مشروعى السينمائى الأول باذن الله
وعاطفيا ................... تركتها لأنها كانت تشعر أنها الأقوى .............. بلقبها ومالها وجمالها
وسياسيا ........... وجدت نفسي وحدي ..... دون أى توجيه
بشهادة الجميع حتى صاحب المشكله نفسه التى عادت علاقاتي به الى حد ما ...... أنني تغيرت كثيرا وأصبحت الحمد لله أقوى
محمد فايز ................ صديق اراه مخلص ... و أود أن تستمر علاقاتى به حتى النهايه
ط.م .................... لم أتوقع أن يقف أحيانا بجانبي ......... ولكن شكرا
م.م ................ توقعت أن أجدك وقت وحدتي ...... ولكنني كنت مخطىء
ي.ر ........... لم تصدق اننى لم أعلم سبب المشكله ولكنك ظلمتنى وأيضا منحتنى قوة التغيير ولك كل الحب والتقدير
أحببت أن أبدأ التدوين بهذه الكلمات التى كانت بصدرى منذ شهور ولكنني فضلت أن أنشرها الان ....... بعد اخر امتحان لي داخل الجامعه فقط بأربع ساعات
وبعد اخر لقاء لي مع أعز صديق لي داخل الجامعه ........................................ محمد فايز
وأتمنى ألا يصبح الأخير
مصطفى المغربي ............................. طبيبا وباذن الله كاتبا
حتى لو كان ذلك فقط فى أحلامي ............... فهو حقي
ولن أتنازل عنه .................... أبدا
50 comments:
لا لا لا لا
كده يا دكتور انا زعلاااانه جدااااا
اسمي مش مكتوب من ضمن المتفوقين ليه
و المرتبه و المخده و اللحاف مين اللي حياخدهم؟
هههههههههههههههه
انت انسان جميل و ده كان باين فى بوست الفضايح
هههههههههههه
والني تقى تديني عنوان العياده
شاكلي حيركب طقم حلاااااص
ربنا يحبب فيك خلقه
اولا الف مبروك انك خلصت امتحنات وبالتوفيق فى مستقبلك الزراعى..
ثانيا عارفه احساسك اللى بتتكلم عنه لما حد يكون موجود فى حياتك اويييييييي..وبعدين يطلع خالص
لتكتشف انك كنت مسجون فى اطار ضيق عليك
واول ما طلعت تعرف انك اقوى واكبر..انك تقدر تحقق اى حاجه زى ما انت عايز بايدك انت منغير شله ولا غيره
ثالثا خد بالك محدش بيتعلم ببلاش
لازم تتعامل مع الناس بمنطلق تانى لانك خلاص عرفت حجمك وقدراتك
وزى ما انت شاطر فى الكتابه لازم تتشطر فى الزراعه لانى عاوزه دكتور سنان شاطر
:0)
أتمنى بجد انك تحقق امنيتك وتكون كاتب مشهور لأني كانت امنية حياتي ابئى رسامة مشهورة لكن للاسف
مصطفى تعليق تاني معلش
حلوة اوي الحتاية اللي انت كاتبها دي بتاعة وداعاً صديقي انت اللي كاتبها فعلاً؟؟؟؟؟
بعد الشر عليكي يا مفروسه
وانتى مش فى قائمة المتوفقين بس انتي فى قائمه أكبر .... قائمه ساعدتني كتيييير من غير ما تحس .... قائمه كانت بتقرااا كل اللي بكتبه وحش وحلو .... قائمه المدونين وانتى على رأسهم
اعتقد انك اكتر اللى وصلوا احساسي
وان شاء الله اوعدك انى مش هاسكت وانا فعلا قدمت أوراقى ودفعت رسوم تسجيل دراسة زراعة الأسنان
ولكنني أيضا أتمنى مواصلة الكتابه باذن الله ...... ودون توقف
لا يانوره
لو كان عندك 100 سنه لازم تفضلى ترسمى واحلمى فى خيالك انك أكبر رسامه فى العالم .... ولو الناس كلها قالت انك فاشله ...... المهم انتى تشوفي نفسك ناجحه
صدقيني اللى اكتشفته ان محمد منير كان على حق لما قال :
لو بطلنا نحلم .... نموت
أحد من أثر في هو أيمن صابر عبد الفضيل صديق وأخ وشاب ... حقا افتقدته وأتمنى أن نتعظ جميعا
مصطفي
حلو اليأس اللي فجأه بيبقا أقوي من القوة
أسلوب ممتاز
حس مرهف
حبيبي انت مبدع بجد
متوقع ليك مستقبلا باهر
ولي شرف ان اكون ضمن أصدقاء
شكرا لك
وماتزعلش عاللي فات
اذا اردت شيئاً أطلق سراحه فإن عاد اليك فهو ملكك وإن لم يعد فكأن لم يكن
دمت مبدعاً
ودام قلمك مجلجلاً
والي الأمام دوماً
أخوك العبقري
محمد الجوهري
ازيك يا مصطفى
حمد الله عالسلامه يا راجل
والله يا مصطفى محدش بياخد غير نصيبه واللى مكتوبله
انت اجتهد بس واتكل على الله وان شاء الله ربنا هيوفقك ف اللى فيه الخير ليك
بوست جميل
احييك
السلام عليكم ورحمة الله
ازيك يا دكتور
علي فكره بقه .. البوست بتاعك مش كئيب ولا البوست بتاعي أكثر كآبه
بص يا سيدي
حقيقي دلوقتي أنا مستغرب .. لأن في سنه تالته حدث برضه معايا مشكله مع أقرب صديق ليا وهيا طولت شويه ولكن عدنا لأن اللي بيننا كبير .. ولكن بعدها برضه أنا اتغيرت علي مستويات كتير جدا
اجتماعيا .. عرفت اصحاب جدد وبحمد ربنا اني عرفت ناس زيهم و على مستوي الكتابه .. بدأت أقرا واتعلم فن الشعر .. لغاية ما بقيت بكتب بالقطاره .. بس بحاول أكتب كويس
بجد البوست ده راقي لأبعد الحدود .. وفكرة اني اكتب اوائل الحروف وأبعث لكل منهم برساله في دماغي من زمان .. مش عارف هو حد بيسرق أفكاري ويقولهالك ولا ايه؟
المهم .. أنا أشكرك لزيارة مدونتي وأشكر الظروف اللي خلتني اقرا كلام جميل زي كلامك
يلام الله عليك يا دكتور ودعواتك أخلص وأحصلك
بداية مبروك يا مصطفي وان شاء تنجح في حياتك العمليه بعد التخرج , اضافة لحلمك الكبير في ان تصبح كاتب كبير
علي فكره رغم اننا اكيد بنحتاج للاصدقاء في حياتنا لكن في لحظه يجب ان نعيد حساباتنا خاصه اذا شعرنا باهانة كرامتنا وكبريائنا من خلال اصدقاؤنا هؤلاء وبالتاكيد من خلال ارادة رفض الهزيمه والانكسار سنصبح اقوي
وكما كان في المسرحيه
لن تمتهن الا اذا تلهفت
لن تحتقر الا اذا توسلت
لن تموت الا اذا انبطحت ارضا وزحفت
تحياتي
محمد
محمد بيه الجوهرى
يمكن ما شفتكش بس بجد حبيتك وقريب ان شاء الله اشوفك
ولعلمك اليأس لو تحول لقوه
محدش بيقدر يقف قدامه
الى بنت مصريه
سؤالك عني باستمرار يؤكد لي مدى أصالتك ومصريتك
شكرا لكي
تحيات بهيه
محمود فرج أحمد
المهم ان أنا وانت اتعلمنا واتعلمنا كتيييييير اوى
واتمنى نفضل أصحاب ان شاء الله
واحشنى والله يا محمد
وواحشني كلامك
كلمات المسرحيه فعلا جامده جدا
مع ان عمرى مافكرت فيها
ف م.... انت متعرفهوش!!! ههههههههه
على فكرة الانسان دايما هو اللي بيصنع نفسه مش اصحابه ولا أهلة.. ودي حقيقة غير قابلة للنقاش طبعا.. والحقيقي برضه ان كل مازاد اعتماد الشخص على غيره اصبح يمثل بالنسبه ليهم عالة ويبقى تقيل عليهم.. فاحسن حاجة عملتها انك دورت عن قوتك الداخلية لقيتها
ربنا يوفقك
تحياتي
قائمه ساعدتني كتيييير من غير ما تحس
انا عاوزه افهم الحته ديه
ولو كان على الموضوع الاخير؟
عرفت ازاي
انا مبسوطة اوى يا دكتور
لانك معقلتش حياتك على اى انسان حتى لو كان صديق بس على فكرة الناس اللى زى كدا مش بيكونو اصدقاء
حتى وان اظهروا لك من حب وود
اعتبرها مجرد معرفة عابره او حد اتقابلت معاه فى مواصله ولما جت محطة نزولك كانك مقابلتوش
وطبعا اعتقد ان ده اللى حصل لانك بالفعل نجحت وحققت اللى انت عايزه وربنا يسعدك باصدقائك الجدد ويكلل روايتك بالنجاح
ويجعل كل ايامك نجاحات يااارب
اهو ده بقي اللي اسمه
الضربه اللي متكسرش
تقوي
ومحدش بيتعلم ببلاش
ربنا يوفقك فى مهنة الطب
بس لازم تعرف ان مش كل حاجة نحبها لازم ندخلها المهم اننا نتفوق فى اللى احنا فية وابقى زور مدونتى هتلاقى نفس حكايتك
يا رب يوفقك لما تحبه
امين
السلام عليكم
انا مستغربة اوى ان ممكن يكون حد معلق كل حياته او ان حياته كلها بتدور فى فلك اشخاص محددين فى اديهم فرحى وفى اديهم حزنى بس ساعات كتيير بيكون ده وهم واكيد انت اتأكدت من كدة لما لقيت نفسك لوحدك أكيد كنت احسن حلو اوى ان يكون لى صديق بس الأجمل ان احلمى وطموحى تكون هى أقرب صديق ومش عيب اشارك بقيت اصدقائى فيه بس العيب انى أقرب حد وابقسه عليه.
فهمت حاجة؟والنبى لو فهمت حاجة ابقى قول لى لحسن انا اتلخفنت فى الآخر
عودا حميدا ايها الطبيب والكاتب الكبير ان شاء الله
عدت ببوست جميل وباتمنى انك تكون فعلا سعيد باللى حققته زى ما انا حسيت من البوست
جميلة التحولات التى حدثت لك وجميل انك اخترت مجال بعينه فى طب الاسنان برغم انه فى اعتقداى مش سهل
بس يا ترى ايه الاحب اليك علشان نناديك بيه يا دكتور ولا أيها الكاتب الكبير
تحياتى
الف مبروك
وربنا يحققلك كل امانيك
فى حب مصر
كلامك صح
انا فعلا كنت عاله
حتى من غير هما مايقولوا
بس دلوقتي انا الحمد لله احسن بكتيييير اوى
واحده مفروووسه
القائمه اللي هيا كانت بتقرااا ليا كل حاجه انا مخنوووق وبكتبها
desert cat
اكييييد
وبالرغم من كل ده
انا فى الاخر مبسووووط اوى انى اتعلمت حاجات كتييير وبقيت احسن من الاول
mayada
الضربه لو مكسرتكيش
صدقيني هاتبقى اقوى مما تتخيلي
غموض
فعلا مش كل حاجه تحبها لازم تدخلها
بس نصيحتي انك لازم تحب كل حاجه بتعملها
funckydoctor
شكرا لزيارتك واتمنى التواصل الدائم
مجرد خواطر
ما تستغربيش
فى ناس كتيييير اوى كده
وانا باعترف اني كنت واحد منهم
بس الحمد لله دلوقتي خلاص
gannah
شكرا ليكي سؤالك عني
وافضل انكم تقولوا الدكتور والكاتب
الاتنيين
وربنا يوفقنا كلنا
مدحت محمد
اشكر لك زيارتك
واتمنى ان تكررها
طبعا طبعا
أهم حاجه بس الثقة بالنفس
أتمني ليك من قلبي التوفيق
وهشوفك أكيد هشوفك
إن شاء الله
لو ربنا أراد
ولحينها
أتمني لك حياة سعيدة
مفعمة بالأمل
دمت سالما يا درش
مش عارفة اقول ايه........بس عموما بجد مبروك لأنك بقيت اقوى وتجاوزت المرحلة الصعبة في حياتك وخرجت منها اكثر صلابة..ومبروك لأنك عرفت تختار طريقك وما استسلمتش قدام كل اللي حصلك..ومبروك لأنك بقيت طبيب أسنان....ومبروك كبيرة أوي أخيرة....ودي لينا احنا..عشان كسبنا مدون بشخصية حضرتك.......
ايه ده خلاص بص انا هوظفك عندى فى الكوكب يالا يا عم ان شاء الله ما حد حوش بس امسك انا الفيزتا ربنا معاكك وتنجح وتتفوق فى كل حاجه انما متسبش الحب مرة واحده
ربنا يوفقك بتمنى لك التوفيق
اولا حمد الله على سلامتك و عوده حميده ان شاء الرحمن ..
احيى قوة ارادتك و اثباتك لذاتك و تمسكك بأحلامك ..
وعاوزه اقولك ان الحياه والايام اثبتوا لك ولسه ياما حيعرفوك مين اللى ممكن يكون صديق و مين اللى لا يصلح ابدا حتى لو كان له معزه عندك لكنه مفهمش وضيع صديق فى زمن صعب قوى فيه نلاقى صديق بجد ..
و اكيد هو اللى حيكون خسران ..
وفقك الله واعانك على تحقيق كل احلامك
تقديرى وتحياتى
rovy
آآآآآآآآآآآآه
انا افتكرت عرفت الجندي اللي كان مجهول
معلش بقى
عارف يادرش .. الانسان اوقات كتير مش بيعرف يتخذ قرارات صح غير لما يتحط في موقف صعب
وانت بالموقف ده لقيت نفسك .. او لقيت الصح
استمر بقى واياك تتراجع
اديك عرفت مين صاحبك .. علّم عليه يابرنس
ملحوظه
سعيد جدا اني اتعرفت عليك .. وكلت معاك رز معمر وشاورما
سلامووووووووووز
ما كنتش عارفة أوصل لمدونتك
مصطفى اللي كان قاعد على شمالي بيصور ...هو انت اللي خدت الكوع المحترم
ما كنتش عارفة أوصل لمدونتك
نورتوا الاسكندرية و اللقاء كان أكثر من رائع
الا تعلم أن هذه المحن هي التي تصنع شدائد الرجال
امضي قدما ولا تلتفت لمن لا يعنيك ...واجعل شعارك من يقف بيني وبين الخير لا يستحق صداقتي
بتوفيق الله
الف الف مبرووووووووووووك التخرج يا مصطفي
يلا اعمل حفله بقي في اسكندريه علي البحر للمدونين ونيجي نبارك ونهني ونقدم فروض الولاء والطاعه كمان
وبعدين يعني صوحابك هما اللي خسرانين ومتزعلش نفسك وربنا هيرزقكك باللي احسن منهم ان شاء الله
وبعدين تعالي هنا
اشمعنه سووووو ياخد رز معمر وشاورما واحنا لا
انا هقوم عليك الناس كده
اديني حقي ناشف وانا اجيب اللي انا عايزاه
الف مبروك مره تانيه وعقبال العياده ان شاء الله
سلامز
مصطفى تقريبا اللى حصلى زى اللى حصلك فى المعهد بس الفرق انى اتغيرت فى اخر 7 شهور وقدرت اتغير تغير كلى بعد 4 سنين مش بروح فيهم المعهد اساسا
ثانيا انا بشكر بجد لقاء اسكندرية اللى عرفنى على انسان جميل زيك
تحياتى ليك
ربنا يوفقك والله أنت شكلك شاطر وكويس .
انا اول مره اجى هنا بس يظهر جيت متأخره المره الجايه هاجى بدرى
ازيك يادكتور انشالله بخير
لك عندي تاج ياريت تبئى تشرفني وتخدو لو تحب
ـــــــ تحياتي
انت فين
انا بعتلك ميل مش رديت عليا
خير إن شاء الله
والله يا جدعان مشغووووووول جدا
والجهاز كان بايظ ولسا مصلحه
وادعولى عشان بدأت دورة زراعة الاسنان وكمان بكتب اولى الروايات بعنوان السلطه والمال
ده غير سيناريو مين اللي حدف الطوبه
الميل بتاعى يافنانه
maghraby_dentist@yahoo
وعلى الفيس بوك
ههههههههههههههههه
بقيت تبع يوسف والي
ههههههههههههههههه
طيب ربنا يعينك
وتحصد
حبيبي
أتمنالك التوفيق
ضيفتك علي فكرة
سلام الي ان نلتقي
اولا مبروك يا دكتور مصطفى المغربى انا اسمى كريم انا كنت بعمل سيرش على جوجل و دخلت على موضوعك و المشكله اللى حصلت مع اصحابك انا معجب بيك جدا و بجد انا مش عارف عندى شعور انى عايز اشوفك بجد لو ينفع ادخل و اكتبلى ازاى انا مش مجنون او متعود اعمل كده مع اى حد على النت بس بجد انا معجب ب اللى انت عملته و بجد ربنا يحقق ليك حلمك انتى اكيد حد كويس جدا
Post a Comment