امم افريقيا 2008
كنا بنقول فاكرين زمان
دلوقتى بص شوف الان
منتخبنا كسبان
وبالرجاله مليان
راحوا غانا عايزين الكاس
وبصراحه الكل حاسس ان احنا هاننداس
نصر ورا نصر قرب حلم الكاس
وبدأ دعاء أحلى الناس
*************
كانوا بيقولوا جايبين مدرب من كفر الدوار
يلاعب منتخب كوت ديفوار
وقالوا شحاته ده معلم بيخلى الكوره تتكلم
قلنا ده لما كان بيلعب
دلوقتى هو بره الملعب
بس شحاته عالخط كان معلم
خلى غانا بالعربى تتكلم
وأهل كفر الدوار خلاص علموا على
دروجبا كوت ديفوار
****************
فلافيو فى الأهلى كان حبيبنا
ودروجبا أكيد بيرعبنا
بس جمعه كان معانا
هضبه مصريه جوه غانا
وايتو خلاص ميتو
بعد ما شادى امسكتو
**************
زكى ولعها نار
جوه دفاع كوت ديفوار
وزيدان لسونج واقف
وأبوتريكه للجون ده خاطف
والكل فرحان
معانا زكى وأبوتريكه وزيدان
*****************
وأرقص ياحضرى
افرح ياشوقى
برافوا يافتحى
اسجد يا حسنى
مبروك لكل مصرى
وعقبال أى عربى
******************
14 comments:
مرحبا
أنا أول تعليق
أحلى حاجة في كلامك أنه طالع من القلب
بيعبر عن فرحتي وفرحتك وفرحة كل الناس البسطاء الطيبين
مصر فعلا كانت محتاجة فوز وفرحة
تحياتي ليك وبانتظار جديدك
أنت وبهية
والله معاكى حق كلنا كنا محتاجين نفرح وخلاص
وكأن نصر على اسرائيل مش الكاميرون
شكرا هبه
اسجد يا حسنى
انت لو بصيت لاهم سبب للنتائج اللي حققها المنتخب هي العبارة دي
لان الفريق ده قريب من ربنا اوي ومقدر اوي قيمة عبارة من تواضع لله رفعه واحنا شفنا تصرف دروجبا لما كان بيجيب جون وتصرف المنتخب بتاعنا
معني ايه الكلام ده
معناه
ان الانسان لو عمل كل اللي يقدر عليه وبعد كده استني التوفيق من ربنا اكيد ربنا ايوفقه
كلماتك جميلة اوي ومعبرة
تسلم ايدك
انا اللى مليش فى الكورة كنت بتنطط لما بشوف جوووون
بجد الماتش دة فرح الناس اوى
لكن مش هينسيهم عمايل الحكومة فيهم
للفارس الملثم
اكيد معاك حق لأن فعلا من تواضع لله رفعه
مش مهم يكون ليكى فى الكوره
المهم ان الكل يفرح لأنه نصر لمصر
حمدا لله على سلامتك من الإمتحانات و كفارة
ياه
اخيرا
ده انا قلت انتى حصلك حاجه بعد الشر
حمد لله على السلامه
انتى بتشتغلى ؟
وايه؟
انا جيت اهوه لبهيه
اهلا بهيه
طبعا انا عملت بنصيحتك وقلت مين بهيه
بصيت للاخر زى مانت قلت
لقيت علم مصر
معنى كده ان قصدك بهيه هى مصر
وانت جمهوريه مصر العربيه
يعنى استلفت منها الاسم
واديتلها اسم بهيه
ماشى يا عم
احنا موافقين
ماهى بلدك برضه وانت ابنها وحر فيها
عموما
مبروووووووووووك
لمصر
وابناء مصر
مبروك لكل عشاق مصر
وعبقال 2010
تعرفى انا معجبة جدا بكلماتك لانى كان نفسى اكتب زيها فى المناسبة دى لكن للاسف معرفتش ....تحياتى ليك
جميلة اوى بجدددددددددددددددددددددددددددددددددددد و الف مبروك لمصر
xميرسى لك كتير
مبروك لمصر .. البطولة بجد فرحتنا واحنا كنا في اشد الحاجة للفرح.. وشكرا على تعليقك على البوست بتاعي وأرجو تكرار الزيارة.
بقولك في قصيده عاملها انا عن البطوله الافريقيه قريبه من الافكار دي في المدونة عدي شوفها
يا بتاع بهية
تحياتي يا نجم
Post a Comment